КіруШағырлой ауылында «Әділдік пен адалдық – өмірлік ұстаным» атты таным сағаты өтті
Жас ұрпақтың құқықтық мәдениетін қалыптастыру, адалдық пен әділдік қағидаттарын дәріптеу және сыбайлас жемқорлыққа қарсы дүниетанымын нығайту мақсатында Шағырлой ауылындағы аудандық «Достық» жазғы сауықтыру лагерінде «Әділдік пен адалдық – өмірлік ұстаным» атты сыбайлас жемқорлыққа қарсы таным сағаты ұйымдастырылды.
Іс-шара 2026 жылғы 29 шілдеде Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінің үйлестіруімен және аудандық білім беру бөлімінің ұйымдастыруымен мемлекеттік әлеуметтік тапсырыс аясында өтті.
Таным сағаты барысында қатысушылар адалдық, әділдік, адамгершілік, заңға құрмет және азаматтық жауапкершілік құндылықтарының маңызы туралы пікір алмасты. Сонымен қатар оқушыларға сыбайлас жемқорлықтың қоғам дамуына тигізетін кері әсері түсіндіріліп, заң талаптарын сақтау мен адал еңбекті өмірлік ұстаным ретінде бағалаудың маңыздылығы айтылды.
Шара аясында оқушылар түрлі танымдық тапсырмалар мен зияткерлік ойындарға қатысып, өз білімдері мен белсенділіктерін көрсетті. Мұндай формат олардың құқықтық сауаттылығын арттыруға және сыбайлас жемқорлыққа қарсы мәдениетті қалыптастыруға ықпал етті.
Іс-шара қорытындысы бойынша белсенді қатысушылар жүлделі орындармен марапатталып, естелік сыйлықтар табысталды.
Осындай ағартушылық іс-шаралар жас ұрпақтың бойында адалдық, әділдік және жауапкершілік құндылықтарын қалыптастырып, қоғамда сыбайлас жемқорлыққа төзбеушілік мәдениетін нығайтуға бағытталған жұмыстардың маңызды бөлігі болып табылады.
Соңғы жаңалықтар
Жұмыс орындары, экология, баспана және отандық өндіріс: партиялар 17 тамызда не туралы айтты?
БҚО-да Құрылтай сайлауын өткізу бойынша ұйымдастыру шаралары тиісті деңгейде жүргізіліп жатыр
ОО «Atamnyn amanaty» принимает заявки на поиск погибших и пропавших без вести солдат и офицеров в годы Второй Мировой войны
Государство не ограничивает свободу слова, а защищает ее – Аида Балаева
Өнер мен мәдениетке көрсетілген құрмет – ұлт руханиятына жасалған қолдау
Жалған ақпаратқа қарсы орталық: Құрылтай сайлауы қарсаңында фейктер көбейді
«Тиімді басқару, сабақтастық және «Адал азамат» құндылықтары»: облыс педагогтерінің тамыз кеңесінде өзекті мәселелер талқыланды
Кім егістікке, кім зауытқа барды, ал кім алғашқы конгресті өткізді
