Кіру«САДАҚА ӨТКІЗУДІ ТОҚТАТУ КЕРЕК»
«Ауыл-аймақта садақа өткізуді тоқтату керек». Бүгін облыс әкімдігінде өткен жеделштаб отырысында осылай деген Батыс Қазақстан облысының әкімі Ғали Есқалиевтің айтуынша, өңірдегі жағдай күннен күнге ушығып барады. Сондықтан аймақ басшысы ауыл әкімдері мен имамдардың садақа секілді азалы жиындар өткізбеуге күш салуын талап етті.
Өйткені науқастардың 35 пайызы осындай басқосудан ауру жұқтырады екен. Сондықтан қаралы үйге көңіл айта келгендерге жағдайды түсіндіріп, карантин талабын сақтауды ескерту керек. Үйге адам жинамай, садақаны көшеде де өткізуге болады, – дейді әкім.
– Жағдайымыз былтырғыдан да нашар. Ең қауіпті, қиын ай өткен жылы шілде айында болды. Онда күніне 120-130 адам осы вирусты жұқтырса, қазіргі кезде күніне 180-200 науқас тіркеледі. Яғни, былтырғыдан да жағдай нашар. Мұнда тек антына адал жүрген дәрігерлеріміздің арқасында ғана аман қалып отырмыз,– деді облыс әкімі Ғали Есқалиев. Айта кетелік, ертеңнен бастап, Орал қаласы мен облыс аудандарында 19 блок бекет қойылып, көлік қозғалысы шектеледі. Облыстағы 17 инфекциялық стационардың тең жарымы науқасқа толған. Ал жыл басынан бері ауыр індеттен 107 адам көз жұмыпты.
Айнара ИСА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу