КіруПӘНДІК ОЛИМПИАДАНЫҢ ОБЛЫСТЫҚ КЕЗЕҢІ ҚОРЫТЫНДЫЛАНДЫ
Жалпы білім беретін пәндер бойынша республикалық олимпиаданың облыстық кезеңінің қорытындысы бойынша Орал қаласының командасы бірінші орынға ие болды.
22 – 27 ақпан аралығында жалпы білім беретін пәндер бойынша республикалық олимпиаданың облыстық кезеңі өтті. Облыстық кезеңге 504 оқушы жолдама алып, оның 14 пән бойынша 482 оқушы қатысты. 21-і денсаулығына байланысты қатыса алмаған. Олимпиаданың әр кезекті күні аяқталғаннан кейін «Дарын» республикалық ғылыми-практикалық орталығының және Батыс Қазақстан облысының білім басқармасы «Дарын» қосымша білім орталығының сайттарында (ro.daryn.kz, zko.daryn.kz) қатысушылардың жұмыстары, пәндер бойынша шешімдері мен хаттамалар жарияланды.
Республикалық олимпиаданың облыстық кезеңінің қорытындысы бойынша 34 оқушы – І орын, 59 оқушы – ІІ орын, 84 оқушы – ІІІ орын алды. 73 оқушы дипломмен марапатталды. Жеңімпаздар мен жүлдегерлер Батыс Қазақстан облысы білім басқармасының І, ІІ, ІІІ дәрежелі дипломдары және медальдары табыс етілді.
Командалық рейтинг бойынша І орын – Орал қаласының құрама командасы, ІІ орын – дарынды балаларға арналған мамандандырылған «БІЛІМ-ИННОВАЦИЯ» мектеп-лицей-интернаты, ІІІ орын – дарынды балаларға арналған С.Сейфуллин атындағы №11 облыстық мамандандырылған мектеп-интернаты кубок және дипломмен, аудандар арасында жоғарғы көрсеткіш көрсеткені үшін Теректі ауданы дипломмен марапатталды.
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу