КіруОРМАН АУМАҒЫН БҮЛДІРГЕН МЕРДІГЕРГЕ АЙЫППҰЛ САЛЫНДЫ
БҚО Сыбайлас жемқорлыққа қарсы қызметке Орал қаласындағы Перевалочно-Набережная көшесінің тұрғындарынан түскен өтінішке сай бүгін мемлекеттік органдар бұрынғы «Землячка» былғары зауытының аумағына, яғни «Орал қаласы, Д.Нұрпейісова көшесі, 40/2 мекенжайы бойынша 5 қабатты үйдің құрылысы» нысанына барды. Бұл шараға құрылыс аумағына жақын орналасқан үйлердің тұрғындары да келді.
Осы аумақта Тапсырыс беруші «Zhayik City» ЖШС, ал мердігер «Таза Құрылыс» ЖШС құрылыс салуға дайындық жұмыстарын жүргізіп жатқаны анықталды. Сонымен қатар мердігерлік ұйым Орал орман және жануарлар дүниесін қорғау жөніндегі КММ-нің Орал орман шаруашылығының мемлекеттік орман қоры аумағына ағаш және бұталармен бірге құрылыс қоқыстарын төгіп тастаған.
Құрылыс жұмыстары кезінде Орал орман және жануарлар дүниесін қорғау жөніндегі КММ іргелес жерде мемлекеттік орман қорының аумағы қоқысқа айналған. Осыған байланысты, аталған факті бойынша Орал орман және жануарлар дүниесін қорғау жөніндегі КММ қызметкерлері «Таза Құрылыс» ЖШС-не қатысты ҚР ӘҚБтК-нің 372-бабы 2-бөлігі бойынша «Орман фаунасын жою немесе бүлдіру, сондай-ақ орманды қалдықтармен, химиялық заттармен бүлдіру, ластау және орман қорының жерлеріне өзге де залал келтіру» бойынша әкімшілік құқық бұзушылық туралы хаттама толтырды. Айыппұл сомасы – 35 АЕК, келтірілген залал – 236 130 теңге.
«Таза құрылыс» ЖШС мемлекеттік орман қоры аумағынан барлық құрылыс қоқыстарын жинауды міндетіне алды. Сонымен қатар, аталған ЖШС Орал орман және жануарлар дүниесін қорғау жөніндегі КММ-мен қандай да бір құрылыс іс-шараларын өткізуге келісім алмағаны анықталды.
Қазіргі уақытта тиісті сараптама үшін топырақ сынамалары алынды.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу