КіруОРАЛДА «АРҚАНДЫ САЯБАҚ» АШЫЛДЫ
Балалар мен ересектерге арналған спорттық сауықтыру орны БҚО ТЖД жедел құтқару жасағы базасы аумағында ашылды.
Салауатты өмір салтын ұстануда спорттың орны ерекше. Сондай-ақ қала тұрғындарының бос уақыттарын таза ауада өткізуі үшін қолайлы жағдай жасалуының маңызы зор. Осы мақсатта ашылып отырған «Арқанды саябақ» қала тұрғындары мен қонақтарының сүйікті демалыс орнына айналатыны сөзсіз.
– Батыс Қазақстан облысы – еліміздегі табиғаты ерекше өңірлердің бірі. «Арқанды саябақты» ашу – Орал қалалық әкімдігінің төтенше жағдайлар басқармасының бастамасы болатын. Олар осы тамаша аумақты ұсынды және саябақты ашу үшін бюджет қаржысы жұмсалған жоқ. Қала тұрғындары үшін азаматтар өз қол күшімен бәрін жасап шықты. Бұл тұрғындардың табиғаттың аясында қауіпсіз демалысы, таза ауада бой жазып, өзін дамытуы үшін жасалып жатқан жақсы бастама деп санаймын, – деді саябақтың ашылуына қатысқан қала әкімінің орынбасары Асхат Кулбаев.
Саябақ 7 гектар аумақты қамтиды. Мұнда жеті кезеңді кедергі орнатылған. Қалалық дене шынықтыру және спорт бөлімінің басшысы Артур Шерғалиевтің айтуынша, саябақта алдағы аптадан бастап жұма-сенбі-жексенбі күндері туристік және спорттық жарыстар ұйымдастыру көзделіп отыр.
Эльмира НҰҒМАНОВА,
zhaikuni.kz
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу