КіруОҚУШЫЛАРҒА КОМПЬЮТЕРЛІК ҚҰРЫЛҒЫЛАР ҮЛЕСТІРІЛУДЕ
БҚО білім басқармасы республикалық бюджет есебінен алынуы жоспарланған компьютерлік құрылғылардың алғашқы бөлігі облысқа жеткізілгенін мәлім етті.
Бұдан бұрын қашықтан оқытуды ұйымдастыру мақсатында осал топтағы отбасылар оқушыларына уақытша пайдалануға беру үшін ҚР Үкіметі резервінен 14970 дана компьютерлік техника алынатыны айтылған еді. Ол үшін 2 318 399 596 теңге бөлінген. Бұл қаражат 1558 дана компьютер, 2018 дана планшет, 11394 дана ноутбук алуға жұмсалмақ.
– Бүгін 735 дана планшет келді. Осы аптада техникалардың қалған бөлігі өңірімізге жеткізіліп, қайтарымды негізде оқушыларға үлестіреледі, – деді БҚО білім басқармасының баспасөз хатшысы Үміт Жәңгірова.
Қазіргі уақытта білім басқармасы және «Ақжайық – адалдық алаңы» кеңсесінің өкілдері техникалық құрылғыларды тексеріп, мектептерге беруде.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу