КіруҚОҒАМДЫҚ КӨЛІКТЕРДЕ САНИТАРЛЫҚ ТАЛАПТАРДЫҢ САҚТАЛУЫ ТЕКСЕРІЛУДЕ
Қала әкімдігі жанынан құрылған мониторинг топтар қоғамдық көліктерде карантиндік талаптардың сақталуына бақылау жүргізуде. 6 сәуірдегі кезекті тексеріс барысында № 1, 2, 5, 7, 20, 22 маршруттар бойынша 154 автобус тексерілді.
Қалада 29 маршрут бойынша күніге 400-ден аса автобус желіге шығады. Қала әкімдігі тарапынан жолаушы тасымалымен айналысатын мекемелерге қоғамдық көліктерді дезинфекциялау, кондукторлар мен жүргізушілердің өздері бетперде режимін сақтап, жолаушыларға да ескерту жасауы қажеттігі түсіндірілген. Жыл басынан бері жалпы 32 жүргізуші мен кондуктор карантиндік талапты сақтамағаны үшін айыппұл төлеген. Әріптестеріне қолданылған шара өзгелеріне сабақ болды. Бүгінде жүргізуші-кондукторлар талапты бұлжытпай орындаудың эпидемиологиялық және қаржылық маңыздылығын ұғынғандай. Десе де жолаушыларға әлі де түсінік жүргізілуі қажет. Қазіргі уақытта бақылау көрсеткендей, жүргізушілер мен кондукторлар ескерту жасағанымен, кейбір жолаушылардың бетперделік режимге немқұрайлы қарайтындары бар.
– Автобусқа мініп жатқан жолаушыларға ескертіп тұрамын. Бәрінен талап етемін. Ескертуден соң қалталарынан шығарып тағып алатындары бар. Бірақ, кейбірі тыңдамайды, – дейді №22 маршруттың кондукторы Малика.
№5 маршруттың кондукторы Динара Серғазиева әсіресе таңертеңгілік уақытта бетпердесіз жолаушылар жиі мінетінін айтады.
– Бетпердесіз жолаушыларды мінгізбеймін. Бірақ, таңғы уақытта жұмысқа шығатындар бар. Дәріхананың жабық тұрғанын айтады. Автобус салонында антисептик бар. Қосымша бетперде бар, – деген Динара белгіленген талаптың сақталуын назарда ұстайтынын айтты.
Бірнеше автобусқа арнайы мінген мониторингтік топ мүшелері жолаушыларға қазіргі өңірдегі эпидемиологиялық ахуалдың күрделілігі, бетперделік режимді сақтау талабы туралы түсіндірді. Сондай-ақ карантин талабын бұзу – 30 АЕК мөлшеріндегі айыппұл салуға әкелетінін ескертті. Мониторинг топ құрамындағы полиция қызметкерлері қоғамдық көлік ішінде бетперде режимін сақтамағаны үшін 11 адамнан түсініктеме алды. Алынған түсініктемелер санитарлық-эпидемиологиялық бақылау басқармасына жіберілді. Сондай-ақ бетпердесіз жолаушыларды қоғамдық көлікке кіргізген жүргізушілер мен кондукторларға қатаң ескерту берілді.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу