КіруМЕМЛЕКЕТ ҚАРЖЫСЫН ТАЛАН-ТАРАЖҒА САЛҒАН
Орал қаласында кәсіпорын басшысы мемлекеттік бағдарлама бойынша бөлінген 143 млн. теңгеден астам қаражатты жымқырған. Ол «Марасант» және «Бірлік» құрылыс компанияларының директоры және құрылтайшысы Аманжол Көнеев. Бұл фирмалар Мемлекеттік сатып алуға қатыса отырып, мемлекет қаржысын қолды қылған.
«Марасант» және «Бірлік» құрылыс компанияларының директоры Аманжол Көнеев ҚР Қылмыстық Кодексінің 189-бабы 4-бөлімінің 2-тармағы және 245-баптың 3 бөлімімен қарастырылған қылмыстық құқық бұзушылықтарды жасағаны үшін күдікті ретінде ұсталып, қамауға алынған. Айыпты мемлекеттік сатып алуларға қатыса отырып, «Нұрлы жер» мемлекеттік бағдарламасы шеңберінде тұрғын үйді салуға бөлінген 143 млн. теңгеден астам бюджет қаражатын жымқырған. «Сондай-ақ, айыпталушы 2017-2018 жылдар аралығында 1,5 млрд. теңгеден астам сомаға салықтарды төлеуден жалтарған.
Айыптының қорғаушысы З.Вагапов Аманжол Көнеевтің қамауға алынғанын растады. Адвокат Закир Вагаповтың айтуынша, тергеу амалдары шамамен 10 айдан бері жүргізілуде. Қазір айыпты Ру 170/1 мекемесінде отыр. Дегенен, адвокат «ол заң аясында барлық талаптарды орындап отыр, сотқа дейін қамауға алынбауы тиіс» деп есептейді.
Айта кету керек, біреудің мүлкін ұрлау немесе иемдену бабының санкциясы – 12 жылға дейін бас бостандығынан айыру.
Айнара ИСА, zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу