Кіру«ЛӘЗЗАТ» 100 ОТБАСЫҒА АЗЫҚ-ТҮЛІК ЖЕТКІЗДІ
Қасиетті Рамазан айына орай бизнестің әлеуметтік жауапкершілігі аясында «Ляззат» жеке кәсіпкерлігі отбасылық жағдайы қиын 100 отбасына азық-түлік өнімдерін жеткізді.
«Ләззат» жеке кәсіпкерлігі 20 шақты жылдан бері Орал қаласында көкөніс өнімдерін сатумен айналысып келеді. Әрі кәсіп иесі жыл сайынғы қайырымдылық шараларынан қалыс қалған емес.
– Қасиетті айдың шапағаты мол. Көпбалалы, аз қамтылған отбасыларға жәрдеміміз болсын деген ниетпен біз де ұжымымызбен демешілік жасаймыз деп шешім қабылдадық. Кейбірі өздері келіп алып кетуде. Сондай-ақ Круглоозерный, Зачаганск, Желаев ауылдарының әкімдіктері де қолдау білдіріп, берген азық-түлігімізді отбасыларға жеткізуде, – дейді жеке кәсіпкерлік иесі Нұргүл Ашықова.
«Ләззаттың» демеушілігімен Зашаған кенті бойынша 37, Деркөлден – 20, Круглоозерныйдан – 10, Желаев ауылынан бес және Орал қаласынан 28 отбасының әрқайсысы 30 келі картоп, 5 келі пияз алды.
Жоғарыда атағанымыздай, жеке кәсіп иесі әрдайым қайырымдылықтың басы-қасынан табылатын жомарт жан. Жаңа жыл мерекесі қарсаңында ол қаламызда алғашқылардың бірі болып, «әлеуметтік бұрыш» ашып, тұтынушыларға азық-түлік өнімдерін жеңілдетілген бағамен сатуды қолға алған болатын.
Елмұра АСХАТҚЫЗЫ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу