КіруЕЛІМІЗДЕ 13 МОДУЛЬДІК ИНФЕКЦИЯЛЫҚ СТАЦИОНАР САЛЫНАДЫ
ҚР денсаулық сақтау министрі Алексей Цой күзде болуы мүмкін COVID-19 жаңа толқынына дайындық шаралары туралы мәлімдеді.
Министрдің мәліметінше, Қазақстанда қазан айында 13 модульдік инфекциялық стационар салу жоспарлануда.
Еліміздің дәріханаларына 10 млн-нан астам дәрі-дәрмек жеткізілді. Бірыңғай дистрибьютор республиканың медициналық ұйымдарын айлық дәрі-дәрмек қорымен қамтамасыз етіп, 30 қыркүйекке дейін 24 млрд теңгеге қосымша екі айлық қор құрады. СК-Фармация негізінде Республикалық тұрақтандыру қоры, сондай-ақ 11 өңірлік тұрақтандыру қоры құрылды.
Ауруханаларды толық жарақтандыру үшін қосымша 2 578 өкпені жасанды желдету аппараты, оның ішінде 1500 отандық тауар өндірушілерден, 1078 жергілікті бюджет, демеушілік көмек және Дүниежүзілік банк қаражаты есебінен сатып алынады.
23 890 төсек-орын оттегімен қамтамасыз етіледі, оның ішінде 13 153-і оттек концентраторлары арқылы қамтамасыз етіледі. 2020 жылдың қазанына дейін еліміздің барлық аудандық ауруханаларын сандық рентген аппараттарымен 100 пайыз қамтамасыз ету жоспарлануда.
Ведомствоаралық комиссия Нұр-Сұлтан, Алматы және Шымкент қалаларындағы аурухналарға ұқсас 2,7 мың төсек-орны бар жаңа 13 жұқпалы аурулар ауруханасын салу туралы шешім қабылдады.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу