КіруБиыл браконьерлер мемлекетке 13 млрд теңге шығын келтірді
Жыл басынан бері елімізде қоршаған ортаны қорғау саласында 300 мыңнан астам құқық бұзушылық тіркелді. Бұл туралы ІІМ ӘПК табиғатты қорғау полициясы тобының ерекше тапсырмалар жөніндегі аға инспекторы Әлішер Жармағамбетов мәлім етті, деп хабарлайды Kazinform.
«Осы жылдың 20 қазанынан 19 қарашасына дейін Ішкі істер министрлігі «Браконьер» жедел алдын алу іс-шарасын өткізеді. Оның мақсаты жануарлар дүниесі, балық және орман шаруашылығы объектілерін, жер қойнауын заңсыз өндіру фактілерінің алдын алу және анықтау. Іс-шара басталғаннан бері 61 қылмыстық және 2 мыңнан астам әкімшілік құқық бұзушылық анықталды», – деді ол ІІМ баспасөз қызметі алаңында өткен брифингте.
Сонымен қатар ІІМ өкілі аңшылардың қару-жараққа салғырт қарау және аң аулау ережелерін бұзу салдарынан жарақат алып қалатын жағдайлар да болып тұратындығына назар аудартты.
«Осыған байланысты Ішкі істер министрлігі азаматтарды табиғатты қорғау заңнамасын сақтауға, табиғатқа ұқыпты қарауға, белгіленген аң аулау ережелері мен қаруды қауіпсіз пайдалану ережелерін бұзбауға шақырады», – деді Әлішер Жармағамбетов.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
