БҚО ӘКІМІ ҒАЛИ ЕСҚАЛИЕВ БӨКЕЙОРДАСЫ АУДАНЫНДАҒЫ ҚИЫРШЫҚ ТАС ПЕН ҚҰМДЫ-ҚИЫРШЫҚТАС ҚОСПАСЫ КЕН ОРНЫНА БАРДЫ

Өңір басшысы аталған өнімдерді өндірудің БҚО-дағы кешенді артықшылықтарына тоқталды. Егер бұрын облыстың оңтүстік аймақтарына республикалық маңызы бар жолдарды салу кезінде қиыршық тас пен құмды-қиыршықтасты қоспа Ақтөбе облысынан әкелінген болса, онда кен орны жұмысының арқасында жергілікті өнім қажетті көлемді толық қамтамасыз етеді, ал оның жұмыс орнына жеткізілуімен оның құны арзан болады.

Бұл кен орнында геологиялық барлау жұмыстарын «Жайықгидрогеология» ЖШС жүргізді. Зерттеу деректері бойынша мұнда 3,25 миллион тонна қиыршық тас қоры және 600 мың тоннаға жуық құмды-қиыршық тас қоспасы (ПГС) табылған. Облыс әкімі қиыршық тас пен құмды-қиыршықтасты қоспа құрылыс жұмыстарының барлығында қолданылатындығын баса айтты.

Кен орнының ашылуы дегеніміз – жаңа жұмыс орындары, мердігерлерге қолайлы жағдайлар жасау және бюджетке салықтық түсімдер. «ҚазАвтоЖол» ҰК »АҚ БҚО филиалының директоры Еркебұлан Жұманов қиыршық тас пен құмды-қиыршықтасты қоспа сапасына үлкен назар аударылғанын, сондай-ақ мердігерлердің кері байланысын атап өтті. Өткен жылдың желтоқсан айында мердігерлер карьерден 11 мың тонна өнімді шығарды.

Кен орнының жер қойнауын пайдаланушысы, ATVS TECHNIC директоры Айбар Джалмишевтің айтуынша, қиыршық тастың беріктігі 800-1000 маркасымен белгіленеді, бұл оны жол-құрылыс жұмыстарында пайдалануға мүмкіндік береді. Сонымен қатар, құмды-қиыршықтасты қоспа республикалық маңызы бар айналма жолдарда пайдалануға «ҚазАвтоЖол» ҰК »АҚ-нан мақұлданған.

Мердігерлердің айтуынша, Орал қаласынан жұмыс аймағына жеткізгенде құмды-қиыршықтасты қоспа құны бір тоннаға шамамен 9000 теңгені құрайды. Кен орнында өнім тоннасына 2 мың теңгеден сатылады. Сондай-ақ, қиыршық тас бұрын Ақтөбе облысынан тоннасы 8 мың теңгеден тасымалданғанын айта кеткен жөн. Жүргізіліп жатқан жұмыстардың жанындағы карьерде өнімнің өзіндік құны 1 км жол үшін тоннасына 20 теңгеден сәл жоғары бағаланады.

Қазіргі уақытта кен орнында жұмыс бір ауысымда жүргізілуде, 30 адам жұмыс істейді. Тәулік бойы жұмыс жасайтын болса, вахталық әдіспен жалпы 90-ға жуық адам тартылады. Жобаны жүзеге асыруға арнайы жабдықтармен қамтамасыз еткен инвестор ретінде «Милысай» ЖШС құрылтайшысы Владимир Семкин атап өткендей, бүгінде кен орнында өнімділігі сағатына 300 тонна немесе тәулігіне 4 мың тонна қиыршық тас ұсататын машина жұмыс істейді. Ұнтақтағыш диаметрі 1 метрге дейінгі тастармен жұмыс істеуге қабілетті, бұл ретте 0-ден 70-ке дейінгі барлық фракциялардың қиыршық тас өндірісі есептелген. Сағатына 200 тонна немесе тәулігіне 2 мың тонна құмды-қиыршықтасты қоспа өнімділігі бар бастапқы экран жұмыс істейді. Сондай-ақ, самосвалдар, экскаваторлар, тиегіштер, бульдозер сынды тиісті техникалар да бар.

– Қор бірнеше жылдық жұмысқа жеткілікті. Қосымша геологиялық барлау бар. Болашақта біз Сайхында дайын өнімнің қорын жасаймыз, сонда тұрғындар да өз қажеттіліктеріне сатып ала алады, – деп қосты А.Джалмишев.