КіруБҚО-ДА БІЛІМ САЛАСЫ ҚЫЗМЕТКЕРЛЕРІНІҢ ТАМЫЗ КЕҢЕСІ ӨТТІ
Облыстағы білім беру ошақтары қашықтан білім беру жүйесіне сақадай-сай. Жаңа оқу жылындағы жұмысты 144 білім ұйымы осы жүйе арқылы бастайтын болады. Ал 12 мың бала мектеп табалдырығын аттайды деп жоспарланып отыр. Бұл туралы бүгін облыстық әкімдікте өткен білім саласы қызметкерлерінің тамыз кеңесі пленарлық отырысында мәлім болды. «Білім және ғылым: жаңа оқу жылының ерекшеліктері» атты тамыз конференциясына облыс әкімі Ғали Есқалиев қатысты.
Жаңа оқу жылы алдындағы дәстүрлі басқосудың бұл жолғы форматы бөлек. Жылдағыдай емен жарқын жүздесу мен өзара тәжірибе алаңындағы басқосу емес, білім беру жүйесіне енгізілген уақытша өзгеріске сай, педагогтар қашықтан білім беру жоспары бойынша байланысқа шығып, жаңа оқу жылы алдындағы бірқатар мәселелер мен өткен жылдағы жетістіктерін жариялады. Дәстүрлі тамыз конференциясында сөз алған облыс әкімі ұстаздар қауымын жаңа оқу жылының басталуымен құттықтап, олардың жұмыстарына сәттілік тілеп, салаға жас мамандардың қосылып жатқанын жеткізді.
Әлемдік дағдарысқа қарамастан жаңа оқу жылына дайындық ойдағыдай. Әлеуметтің осал тобы үшін мектепке жол акциясы енді жыл бойына жалғасатын болады. Өңірде 18 мың балаға көмек берілген. Сонымен қатар апатты мектептер мен 3 ауысымды білім беру ұйымдарын жою жолында мақсатты жоспарлар қойылып, су жаңа заманғы талаптарға сай мектептер бой көтеруде. Мәселен, облыс орталығында 900 орындық жаңа мектеп пен М.Өтемісов атындағы БҚУ студенттеріне арналған жатақхана құрылысы басталған. Облыстың бас мұғалімі Айгүл Мыңбаеваның айтуынша, жаңа форматтағы білім беру жүйесіне ұстаздар да, оқушылар да дайын.
Балалар қауіпсіздігін қамтамасыз ету үшін 310 млн теңге қаражатқа мектеп ішінде әжетханалар салынып, 210 млн теңгеге бейнебақылау құрылдары орнатылса, мектеп маңын жарықтандыру мен жолдан өту жолақтарымен бағдаршамдар қою жұмыстары жан-жақты ұйымдыстырылған. Қашықтан білім беруге мектептерден бөлек ЖОО-да да толықтай дайын. Мәселен, өңірдегі іргелі оқу орындарының барлығы да оқу жылын онлайн режимде бастайтын болады. Облыста барлығы 34 колледж болса, олардың оқытушылары білім беру сапасы төмендейді деген жаңсақ пікір екенін айтады.
Облыс әкімдігі жанындағы жоғары және жоғары оқу орнынан кейінгі білімі бар мамандарды даярлауға мемлекеттік білім беру тапсырысын орналастыру жөніндегі конкурстық комиссияның шешімімен биыл 50 жас грант иегері атанған.
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу