КіруАрхеологиялық зерттеулер нәтижелі
«Рухани жаңғыру» бағдарламасының «Туған жер» жобасы аясында М.Өтемісов атындағы Батыс Қазақстан мемлекеттік университетінде жүзеге асырылып жатқан тарихи-археологиялық жәдігерлерді зерттеп, танып білу мақсатындағы бірлескен жұмыстар барысын талқылау шеңберінде университет пен Шыңғырлау ауданы әкімдігі екіжақты меморандумға қол қойды.
Ағымдағы жылы маусым айында М.Өтемісов атындағы БҚМУ ректоры, б.ғ.к., қауымдастырылған профессор Н.Серғалиевтің тікелей қолдауымен университеттің «Тарих» мамандығының 1 курс студенттері, т.ғ.к. М.Қалменовтың жетекшілігімен Шыңғырлау ауданына қарасты Сегізсай «Лебедевка» кешенінде археологиялық зерттеу жұмыстарын жүргізген.
Бұдан бұрын 1970 жылдардың екінші жартысы мен 1980 жылдардың басында Б.Железчиков пен В.Кригердің жетекшілігімен А.Пушкин атындағы Орал педагогикалық институты (М.Өтемісов атындағы БҚМУ) археологиялық экспедициясы осы ауданда ірі масштабты қазба жұмыстарын жүзеге асырған. Жиында М.Өтемісов атындағы БҚМУ ректоры, б.ғ.к., қауымдастырылған профессор Н.Серғалиев Батыс Қазақстан аумағы Еуразия құрлығының тарихи-мәдени құндылықтары жағынан маңызды орын алатынын атап өтті. Орал таулары мен Каспий, Арал теңіздері арасында орналасқан аймақ Еуропа мен Азия көпірі бола тұра ежелгі заманнан бері көптеген халықтар мен тайпалардың миграциялық жолы болған. Бүгінгі таңда археологтардың жаңа зерттеулері нәтижесінде көптеген халықтар мен тайпалардың миграциялық жолы болған. Бүгінгі таңда археологтардың жаңа зерттеулері нәтижесінде көптеген ежелгі мәдениет ескерткіштерінің табылуы бұл жерде бағзы замандарда халықтар мекендегеніне бұлтартпас дәлел болып отыр. Шыңғырлау ауданының әкімі Альберт Есалиевтың айтуынша, ауданның Қаратөбе ауданымен шектескен аумағында бірнеше шақырымға созылған Есен-Амантау үстіртінде көптеген мыңжылдықтар бойына көшпелілер тұрғызған жүздеген үйік-обалар – орасан зор ежелгі зерттеу ескерткіштері сақталған. Жалпы Сегізсай үйік-обалары археологтар назарына ХХ ғасырдың 60 жылдарының аяғында өлкетанушы Г.Багриковтың әуесқойлық қазба жұмысы кезеңінде б.з.д. 1 мыңжылдықтың басына жататын көшпелі ақсүйектердің бай жерлеу дәстүрін ашуымен түскен. Елбасының «Болашаққа бағдар – Рухани жаңғыру» бағдарламасынан кейін университеттің тікелей қолдауымен зерттеу жұмыстары қайта қолға алынған. Өйткені 2017 жылдың аяғында аудан орталығынан тарихи-өлкетану музейі ашылған. Музейді жәдігерлермен толықтыру мақсатында толыққанды зерттеу жұмыстары бірлескен түрде жалғасын табатын болады.
Кәусар БАЙҒАЛИЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу