КіруӘЛЕУМЕТТІК ЖЕЛІЛЕР МЕН ИНТЕРНЕТ-ДҮКЕНДЕРДЕ АЛАЯҚТАР КӨП
Батыс Қазақстан облысы аумағында ғаламтор кеңістігіндегі қылмыстардың жолын кесу мақсатында республикалық «Hi-tech» жедел алдын алу шарасы өткізілді.
Интернет-алаяқтық қазіргі уақытта өзекті мәселеге айналып отыр. Мәселен, ақпан айының басында Орал қаласының тұрғыны «OLX» ғаламтор ресурсына орналастырылған төмен бағадағы үйге алданып, алаяқтардың құрбаны болған. Алаяқ өзін қаладан тыс жерде екенін және клиенттің ақшасы бар екеніне сенімді болуы үшін ақша бар шотты сұраған. Оған шын сенген сатып алушы мәліметтері жазылған шот көшірмесін жолдайды. Осы деректерді пайдаланған алаяқ шоттағы ақшаны басқа шотқа аударып жіберген. БҚО ПД криминалдық полиция басқармасының бөлім басшысы Марат Сүгіровтың айтуынша, мұндай қылмыстарды ашу белгілі уақытқа созылады. Өйткені интернет-алаяқтардың басым көпшілігі басқа аймақтардан болады екен.
– Жыл басынан бері БҚО ПД криминалдық полиция «К» бөлімшесі қызметкерлері Астана, Павлодар, Қарағанды, Балқаш, Алматы, Тараз, Ақтөбе қалаларына қызметтік іссапарға жіберіліп, 12 қылмысты жасады деген күдіктілерді ұстады. Олар ғаламтор ресурстарына пәтерге жіберу, киім немесе алтын бұйымдар сату, жұмысқа орналасуға көмектесу туралы жарнамалар орналастырып, хабарласқандардан алдын ала төлем сұрап отырған. Ал ақшаны аудартып алғаннан кейін, телефондарын айырып тастайды. Қазіргі уақытта факті бойынша тергеу жүргізілуде, – дейді Марат Сүгіров.
Тәжірибе көрсеткендей, «Инстаграмм», «В контакте» әлеуметтік желілері мен «OLX», «Крыша», «Колеса» сынды интернет-дүкендерінде қылмыстар жиі болатын көрінеді.
Eлмұра АСХАТҚЫЗЫ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу