КіруЖАСТАРДЫҢ ДІНИ САУАТТЫЛЫҒЫН АРТТЫРУҒА БАҒЫТТАЛҒАН КЕЗДЕСУ
23 қыркүйекте Жәңгір хан атындағы Батыс Қазақстан аграрлық-техникалық университетінде 1-4 курс студенттеріне еліміздегі зайырлылық қағидалары мен мемлекеттің дін саласындағы саясатын түсіндіру мақсатында кездесу өтті. Бұл туралы БҚАТУ медиа-орталығы хабарлады.
Университетке келген БҚО Дін істері басқармасына қарасты дін мәселелерін зерттеу орталығының теолог маманы Бағдат Адайхан білім алушылармен кездесіп, олардың діни сауаттылығын арттыру мақсатында діни заңнама, зайырлылық тақырыбында сөз қозғап, теріс ағымдардан сақтану шараларын түсіндірді. Дінтанушы діни сауаттылықтың төмендігі жастардың тура жолдан адасуына әкеп соғатынын айтып, кез келген ақпаратты аларда аса ұқыптылық таныту керектігін атап өтті.
Сонымен қатар дін саласының өкілі әлеуметтік желілер арқылы таратылатын жалған ақпараттардан сақтану қажеттігін айтты.
– Оларды сақтау немесе тарату сынды қарапайым іс-әрекеттер заңға қайшы келеді, көп жағдайда қылмыстық жауапкершілікке тартуға дейін жеткізеді, – деп тарқатты.
Тағылымды кездесу соңында студенттер дін тақырыбында көкейлерінде жүрген сауалдарына толыққанды жауап алды.
Бұған дейін жоғары оқу орнының 1-курс студенттері арасында «Жат ағымдарға жол жоқ» тақырыбында ақпараттық-түсіндірме жұмыстары онлайн форматта жүргізілген болатын.
zhaikuni.kz
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу