КіруОРАЛДА №7 ЕМХАНА САЛЫНАДЫ
Бұл туралы БҚО денсаулық сақтау басқармасы мәлім етті.
Ағымдағы жылы – 188 788,0 мың теңгеге қос денсаулық сақтау нысанына күрделі жөндеу өткізілмек. Оған қоса 29 медициналық мекемені қайта жаңғыртуға – 121 464,0 мың теңгеге жобалау-сметалық құжат жасақталуда. Инвестициялық жобалар негізінде елдімекендерде 53 медициналық нысан құрылысы басталмақ. Соның ішінде 13-і – дәрігерлік амбулатория, 20-сы – фельдшерлік-акушерлік пункт, 20-сы – медициналық пункт.
Денсаулық сақтау министрлігімен келісілген және облыс әкімдігімен бекітілген аумақтық дамыту жоспарына сәйкес, республикалық бюджет есебінен 2027 жылы ауысымына 250 келуші қабылдайтын «Ақжайық» шағынауданында жалпы құны – 2 млрд теңге құрайтын қалалық емхана құрылысын бастау жоспары бар. Бұл Оралдағы №7 қалалық емханасы болмақ.
Айта кетейік, басқарма басшысының міндетін атқарушы Арман Қалибеков биыл өңірдегі кардиологиялық орталық мәселесі түбегейлі шешімін табатынын айтқан болатын.
Айнара ИСА,
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу