КіруБҚО-ДА БАЛЫҚ АУЛАУ ЕРЕЖЕСІН БҰЗҒАНДАРДАН 4 МЛН. ТЕҢГЕ ӨНДІРІЛДІ
2020 жылы БҚО орман шаруашылығы және жануарлар дүниесі аумақтық инспекциясы инспекторлары балық ресурстарын қорғау саласы бойынша 208 рейд өткізіп, 305 құқық бұзушылықты тіркеді.
Сот органдарына 13 әкімшілік іс жолданды. Сот арқылы 13 құқық бұзушыға – 504 326 теңге айыппұл салынды. Бүгінгі таңда 7 құқық бұзушыдан – 269 466 теңге өндірілді. Қорықшылар 62 құқық бұзушулықты анықтады.
Есепті жылда балық аулау ережелерін бұзушыларға 4 700 056 теңге айыппұл салынды. Бүгінгі таңда 257 құқық бұзушыдан 4 027 066 теңге айыппұл мемлекет кірісіне өндірілді. Бұл салынған айыппұлдардын өндірілу пайызы- 88 пайызын құрады.
– БҚО ПД-нің табиғатты қорғау полициясымен бірлескен рейдтік іс-шаралар кезінде Ақжайық ауданы Шабдаржап ауылы тұсында Жайық өзенінде сүзбе аулармен заңсыз балық аулап жүрген құқық бұзушылар ұстады. Олардан 6 қайық, 6 сүзбе ау, 12 қап ауланған балық алынды. Фото-бейне фиксация, балық, қайық, аулау құралдары БҚО ПД-не тапсырылды. Осы материалдарға қатысты ҚР ҚК-нің 335-бабымен екі қылмыстық іс қозғалып, бүгінгі таңда тергеу амалдары жүргізіліп жатыр, – деді БҚО орман шаруашылығы және жануарлар дүниесі аумақтық инспекциясының басшысы Қайрат Темірғалиұлы.
Жазғы айларда су тарту құрылыстарындағы 32 балық қорғау құрылғыларының жұмысы тексерілді. Бұзушылықтар анықталған жоқ. Жыл басынын құқық бұзушылардан 49 аулау құралдары алынды. Иесіз алынған аулау құралдарының саны 932. Оның 593 иесіз құрма ау, 338 шаян аулағыш болса, біреуі жүзу құралы.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу