КіруБҚО-ДА ҮШ ҒИМАРАТТЫҢ ШАТЫРЫ ҰШТЫ
14 қаңтардағы ауа-райының бұзылуы осындай жайсыз жағдайға әкелді. Қаратөбе ауданы бойынша үш нысанның шатырын жел ұшырып кеткен.
Сағат 14.20 шамасында Жусандыой ауылдық округінің Жусандыой ауылы Абай көшесі № 1 мекенжайы бойынша орналасқан Жамбыл жалпы орта білім беретін мектеп-балабақша кешенінің 1266,8 м2 аумағында (ғимараттың ауданы-1777 м2) шатыры ұшып кетті. Шатыр ағаштары балкаға профлистпен жабылған. Мектеп 1989 жылы салынып, 1990 жылы пайдалануға берілген, 2007 жылы күрделі жөндеуден өткен. Зардап шеккендер және жарақат алғандар жоқ.
Сағат 18.00 шамасында Қаратөбе ауылдық округінің Қаратөбе ауылындағы С.Датұлы көшесі №29 мекенжайы бойынша орналасқан Қаратөбе аудандық орталық ауруханасының жедел-жәрдем корпусының 220 шаршы метр аумағында (ғимараттың ауданы-1375 м2) шатыры ұшып кетті. Шатыр ағаштары балкаға профлистпен жабылған. Ғимарат 1998 жылы пайдалануға берілген, 2008 жылы шатыры жөндеуден өткен. Зардап шеккендер және жарақат алғандар жоқ.
Ал сағат 19.00 шамасында Қаракөл ауылдық округінің Алакөл ауылында орналасқан Алакөл медициналық пунктінің жылыту қазандығы ғимаратының 20 шаршы метр аумағында (ғимараттың ауданы-20 м2) шатыры ұшып кетті. Шатыр ағаштары балкаға профлистпен жабылған. Ғимарат 2018 жылы пайдалануға берілген. Зардап шеккендер және жарақат алғандар жоқ.
БҚО ТЖД тұрғындарды дауылды ескерту туралы ақпарат алған кезде құтқарушылардың ұсынымдарын ескеріп, мейлінше сақ болуға шақырады. Мүмкіндік болса үйде болу керек, елдімекенннен алысқа шықпаған дұрыс. Қатты жел кезінде конструкцияның құлауынан қашқан кезде үйдің қабырғаларына, аялдамаларға, жарнама бағаналарына, теректердің астына тығылу қауіпті.
Үзілген сымдар мен жел әсерінен қозғалып тұрған бағаналар да қауіпті. Автокөліктерді шіріген, ескі теректердің астына қоймаған жөн. Дауылды алдын ала ескерту туралы ақпаратты тегін мобильді «Дәрмен» қосымшасын жүктеу арқылы білуге болады. Ал құтқарушылардың көмегі қажет болса, 112 телефонына хабарласу керек.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу