КіруАпатты үй иелеріне – жаңа баспана
Өңірімізде мемлекеттік жекеменшік әріптестік қағидаттарына сәйкес бұзылған апатты және ескі үйлердің орнына жаңа үйлер салынуда. Осылардың дәлелі ретінде бүгін шаһар күні қарсаңында алты қабатты тұрғын үй ашылды. Облыс әкімінің орынбасары Бағдат Азбаев дәл осындай қуаныштың куәсі болып, 2 шақырым, 24-үйдің жаңа қоныс иелеріне салтанатты түрде пәтер кілттерін табыс етті.
– Құрметті қала тұрғындары! Баршаңызды келе жатқан қала күні мерекесімен құттықтаймын. Қысқа мерзім ішінде мемлекеттік жекеменшік серіктестік бағдарламасы аясында «ОралПолимер» ЖШС апатты жағдайдағы үйлердің иелеріне жаңа көпқабатты үй құрылысын аяқтады. Бұл үйде өзім өткен жылы болдым. Жағдайымен жақсы таныспын. Міне, көптен күткен қуаныштарыңыз орындалды. Қалада апатты үй өте көп. Қазіргі таңда Елбасының сарабдал саясаты нәтижесінде «Нұрлы жер», «7-20-25» бағдарламалары іске қосылып, жарқын істер жасалуда, – деген Бағдат Оразалдыұлы қоныс иелеріне «құтты болсын» айтып шықты. Жаңа қоныс иесі Ләззат Абдулова бұрын 35,5 шаршы метр үйде тұрса, қазіргі баспанасының көлемі 45,5 шаршы метр. Қонақтарды шашу шашып қарсы алған ол бағдарламаның қарапайым тұрғындар үшін өте қолайлы екенін жеткізді.
Кәусар БАЙҒАЛИЕВА
Надежда СУРОВА, үй тұрғыны:
– Осыдан екі жыл бұрын мен осы жердегі екіқабатты апатты үйден баспана алдым. Үй өте ескі болды. Елбасының салиқалы саясатының нәтижесінде 2015 жылы мемлекеттік-жекеменшік әріптестік туралы заң күшіне енді. Содан соң заң аясында апатты үйіміз сүрілді. Бізді уақытша қолайлы пәтерге көшірді. Облыс әкімі Алтай Көлгіновтың, «ОралПолимер» ЖШС директоры Роберт Ирменовтың жүйелі жұмыстануының арқасында бір жыл ішінде жаңа қонысқа оралдық. Енді тұрақты мекенжайымыз бар. Қала күні қарсаңында екі бөлмелі пәтердің кілтін алдым. Барша оралдықтарды қала күнімен құттықтаймын.
Наталья БАБЫЧЕВА, жаңа қоныс иесі:
– Бізге осындай зор мүмкіндік сыйлаған Мемлекет басшысына алғысымыз шексіз. «7-20-25» бағдарламасы шеңберінде қолайлы баспанаға қол жеткіздім. Пәтерімнің жобасы өте керемет.
Версия для печати
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу