КіруМЕКЕМЕГЕ ҰРЛЫҚҚА ТҮСКЕНДЕР ҰСТАЛДЫ
19 қараша күні қаскөйлердің Орал қаласындағы мекемелердің бірінен сейфті бұзу арқылы ақша мен ноутбук және басқа да бағалы заттар мен техника ұрлағаны туралы іс тіркелген.
Орал қаласы Полиция басқармасы бастығының орынбасары Нұрлан Бисеновтың хабарлауынша, жедел-іздестіру шаралары арқылы осы қылмысты жасады деген күдікпен 1998 және 2000 жылғы азаматтар ұсталыпты.
– Бұл азаматтарды тексеру барысында олардың басқа да қылмыстарға қатысы бар екендігі анықталды. Олар автокөліктердің терезесін сындырып, бейнебақылау камераларын алып кетіп жүрген. Тергеу барысында олардың кейбірі тәркіленді, – деді Нұрлан Бисенов.
Қазіргі уақытта ұсталған тұлғаларға қатысты қылмыстық іс қозғалып, тергеу амалдары басталған. Жас азаматтар қала аумағында жасалған 17 ұрлыққа қатысы бар деген күдікке ілігіп отыр.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу