КіруЖылу желілері жаңаруда
14 тамыз күні БҚО әкімі Алтай Көлгінов Орал қаласы Әбілқайыр көшесі бойымен өтетін №8 жылу желісін қайта құру жұмысының жүргізілу барысын бағамдады. Мұндағы жұмыстарды «Астанаинжкомстрой» ЖШС жүргізуде.
Аталмыш жылу желісі өткен жылдары апатты жағдайда болып, қиындық туғызған еді. Сол себепті биыл бұл аумақ «Нұрлы жол» бағдарламасы аясында жаңартылуда. Жылу желісінің ұзындығы 1,176 шақырым. Құны – 347 569, 24 мың теңге. Жоба 2019 жылы толықтай аяқталуы керек.
– №8 жылу магистраліне 6-шы шағын аудандағы 106 үй жылуға қосылған. Биылғы бөлінген қаржыға сай 360 метр жылу магистралін ауыстыру көзделген. Жылыту маусымы басталғанша жоспарланған жұмыстар аяқталуы тиіс, – дейді «Жайық жылуқуат» АҚ директоры Мұрат Бәйменов.
Жалпы биыл аталмыш бағдарлама бойынша төрт жоба жүзеге асырылуда. Мұрат Болатұлының мәлімдеуінше, төрт жобаның ұзындығы – 4,944 шақырым. Құны – 1 971 148,84 мың теңге. Оның екеуін, яғни №2 және 7 жылу желілерін «УральскВодСтрой» АҚ жаңартуда. Жұмыстар жоспарға сай биыл қыркүйекте аяқталуы керек. Ал «Астанаинжкомстрой» ЖШС №4 және 8 жылу магистральдерін жаңартуда.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу