КіруЖәнібек аудандық сотында 11 жыл бұрынғы өлім фактісін анықтау туралы азаматтық іс қаралды
Жәнібек аудандық сотында 2014 жылы қайтыс болған ер адамның өлімін анықтау туралы азаматтық іс қаралды. Істі қозғауға марқұмның жұбайы бастамашы болды. Ол қайтыс болған азаматпен заңды некеде тұрған.Сотта белгілі болғандай, арызданушының күйеуі 2014 жылдың 7 сәуірінде науқастанып қайтыс болған. Алайда сол кезде медициналық анықтама мен сот қаулысы алынбағандықтан, оның өлімі АХАЖ органдарында тіркелмеген. Соның салдарынан әйел адам күйеуінің қайтыс болғанын ресми түрде растай алмай келген.Сот процесі барысында арыз беруші жұбайының 1972 жылғы 14 қыркүйекте дүниеге келгенін және оның қайтыс болған фактісін анықтауды сұрады. Іске қатысы бар мүдделі тараптың өкілі шешімді соттың қарауына қалдырды.Облыстық соттың хабарлауынша, Жәнібек аудандық полиция бөлімінің анықтамасында азамат С-ның 2014 жылдың 7 сәуірінде қайтыс болғаны жөнінде хабар түскені, алайда қылмыстық құрам болмағандықтан қылмыстық іс қозғалғаны көрсетілмегені айтылған.Сот отырысында куәгерлердің бірі марқұммен туыстық қатынаста болғанын, екіншісі оны бұрыннан танығанын растады. Екеуі де азаматтың науқастан қайтыс болғанын және жерлеу рәсіміне қатысқандарын жеткізді.Аталған азаматтық іс бойынша сот шешімі әзірге заңды күшіне енген жоқ.
Айнара ИСА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
