КіруЖ.МОЛДАҒАЛИЕВ КІТАПХАНАСЫНДА «ПАРАСАТ ЖОЛЫ» ОРТАЛЫҒЫ АШЫЛДЫ
3 наурызда Ж.Молдағалиев атындағы облыстық әмбебап ғылыми кітапханасында «Парасат жолы» орталығы ашылды.
«Парасат жолы» орталығы жастардың танымал ақын-жазушылармен, ғалымдармен, мемлекет және қоғам қайраткерлерімен кездесулер өткізетін, кітап көрмелер ұйымдастырылатын парасаттылық алаңы болмақ.
«Парасат жолы» орталығында адам бойындағы асыл қасиеттер мен мінез-құлықтың дұрыс қалыптастыруына негіз болатын, ақылдылыққа, адамгершілікке, сабырлылыққа, қарапайымдылыққа, кішіпейілділікке, әдептілікке тәрбиелейтін, сыбайлас жемқорлық қызметі сияқты әлеуметтік құбылыстың азаматтық-құқықтық аспектілеріне арналған «Сыбайлас жемқорлыққа қарсы күрес-жарқын болашақтың кепілі» және «Парасаттың шыңы – даналық» атты тұрақты кітап көрмесі жұмыс істейтін болады.
Шара барысында ҚР сыбайлас жемқорлыққа қарсы іс-қимыл агенттігі БҚО департаментінің басшысы Р.Ақмырзаев зиялы қауым өкілдерімен бірлесіп жемқорлықты жоюға бағытталған адамгершілік және ұлттық құндылықтар аясында өскелең ұрпақтың бойына сыбайлас жемқорлыққа қарсы мәдениетті қалыптастыру және оған қарсы тұруға дайын адал қоғамды тәрбиелеу мақсатында құрылған орталықтың жұмысына сәттілік тіледі және орталықтың нағыз парасаттылық алаңына айналатынына сенім білдірді.
Сонымен қатар, шараға қатысушыларға онлайн байланыс арқылы Ақжайық, Бөрлі аудандарында «Парасат жолы» орталығының ашылу салтанаты көрсетілді және бұдан басқа өңіріміздің 140 кітапханасында орталықтар ашылды.
zhaikuni.kz
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу