КіруҮздік мектептің алғашқы қоңырауы
Бүгін қала əкімі Мұрат Мұқаев жақында ғана облыстық педагогтардың тамыз кеңесінде «Үздік білім беру ұйымы» аталымын жеңіп алған 44 мектеп-гимназиясы ұжымы мен оқушыларын алғашқы қоңырау салтанатымен құттықтады.
Жаңа оқу жылында аталмыш білім ұясында 1402 оқушы білім алғалы отыр. Мектепалды даярлық тобына 162 бүлдіршін қабылданса, бірінші сынып табалдырығын 192 оқушы аттады. Мектеп директоры Ақжарқын Темірханованың айтуынша, биыл бірінші сыныптар сегізге жеткен. Мектеп-гимназияның 10-11 сынып оқушылары бағдарлы бағытта білім алады. 5-6-7-8 сыныптар биылдан бастап жаңартылған білім бағдарламасына көшеді. Биыл қала бойынша «Үздік білім беру ұйымы» аталымын жеңіп алып, 22 миллион теңге ақшалай сыйлықты иеленген. Бұл қаражат білім ұясының материалдық-техникалық базасын нығайтуға бағытталмақ. Айта кету керек, өткен оқу жылын тəмамдаған 41 түлектің бесеуі «Алтын белгіні» қорғап шықса, 20 түлек еліміздегі іргелі оқу орындарының білім грантын ұтып алған. Қазіргі таңда мұнда 118 ұстаз еңбек етсе, олардың 40 пайызы жоғары санатты. Биыл да олардың қатары жас мамандармен толығуда.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу