КіруЗАШАҒАН КЕНТІНДЕГІ ЖАҢА ҮЙЛЕРДІҢ АУЛАСЫ АБАТТАНДЫРЫЛУДА
Кеше кешкісін Орал қаласының әкімі Абат Шыныбеков қаладағы бірқатар құрылыс нысандарын аралап, жұмыс барысын пысықтады. Алдымен шаһар басшысы Зашаған кентіндегі «Нұрлы жер» тұрғын үй құрылысы» бағдарламасы шеңберінде салынған тоғыз қабатты 90, 198 пәтерлік №44, 45, 46 дақ көппәтерлі тұрғын үйлерге инженерлік желілер тарту, аулаларын абаттандыру жайын қадағалады.
Солидарность көшесі, 7/1 үй мекенжайы бойынша орналасқан ірі панельді схема бойынша салынған аталмыш үйлердің құрылысын «Болашақ» ЖШС осы жылдың қаңтар айында аяқтаған. Биыл келбеті келісті зәулім үйлер «Тұрғынүйқұрылысжинақбанкі» салымшыларына беріледі деп күтілуде. Қазіргі таңда инженерлік желілерін тарту, аулаларын абаттандыру жұмыстары қолға алынған.
– Мамыр айының аяғына дейін инженерлік желілер өткізілсе, жыл соңына дейін аулаішілік жолдар салынып, жарықтандырылып, балалар ойын және спорт алаңқайлары бой көтереді, – дейді қалалық құрылыс бөлімінің басшысы Арман Өксікбаев.
Аулаларды абаттандыру жұмыстары «ТүркістанЖолСервис» мердігерлік компаниясына жүктелген. Серіктестіктің бас инженері Жандәулет Нұрлыбаевтың сөзінше, құрылыс жұмыстарына 150-ге тарта адам тартылған. Бұл мақсатқа 1 млрд. 100 млн. теңге қаржы қарастырылған. Біз барған сәтте «Әлия-сервис» ЖШС-ның 40-қа тарта жұмысшысы инженерлік-коммуникациялық желілерді жүргізуге қызу кіріскен. Учаске басшысының айтуынша, жұмыстар сәуір айының ортасында басталыпты. Мамыр айының соңына дейін аяқтау көзделуде. Мұндағы жұмыстарды пысықтаған қала әкімі Абат Абайұлы жауапты тұлғаларға жұмысты ширатуды қатаң тапсырды.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу