КіруТылда тынбай еңбек еткен
Жеңіс мерекесі қарсаңында соғыс ардагерлерімен қатар тыл еңбеккерлері де құрметке бөленді. Ішкі істер саласының ардагері Анатолий Зотовты Орал қалалық Полиция басқармасы ұжымы арнайы құттықтап барды. Кеңес әскерінің қайсар ерлігі ешқашан ұмытылмайды. Жеңісті жақындатқандар қатарында қарапайым жұмысшы халықтың үлесі зор. Сол жылдары жүздеген кәрі мен жас, әйел мен бала тәулік бойы тынбай еңбек етті.
Солардың бірі Анатолий Зотов Ұлы Отан соғысы басталғанда сегіз кластық қана білім алып үлгерген екен. Зұлмат соғыс басталған шақта оқуын кенеттен үзіп, кейін 9-10 класты кешкі мектепте оқиды. Әкесі Константин Иванович көзін ашқаннан су шаруашылығында еңбек етіп, соғыс басталған жылдары 15 жасар ұлын өзінің қасына алып, еңбекке ерте араластырады. Әкесі қалыптастырған еңбек жолын жалғап, Анатолий соғыс жылдарында Жайық өзені бойында талмай еңбек етеді. «Бақытты балалық шақты біз көрмедік. Соғыс жылдарында Жайық өзені бойымен көп жүктер тасылатын. Тиелген жүктер Сталинград қаласына жөнелтілді. Майдан даласына қажетті тауарлар мен шаруашылық заттары су жолымен Орынборға, одан әрі Гурьев облысына дейін жеткізілетін. Бәрін майданға тасыды. Майданды қамтамасыз ету алдыңғы мақсат болды. Өзіміз ішіп, жемесек те, жауынгерлерге жіберуге асығатын едік. Жау шебінде жүрген жолдастардың аш құрсақ, жалаңаш болмауын тіледік» деп еске алады қария.
Гүламан ИСМАҒҰЛОВА
Мақаланың толық нұсқасын «Жайық үні» газетінің 7 мамыр күнгі №17 санынан оқи аласыздар.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу