КіруТІЛ ЖАНАШЫРЛАРЫ МАРАПАТТАЛДЫ
Бүгін Қазақстан халқы Ассамблеясы үйінде Орал қалалық мәдениет және тілдерді дамыту бөлімінің ұйымдастыруымен және «Қоғамдық келісім» мекемесінің қолдауымен «Тілдің мерейі – елдің мерейі» айдарымен Қазақстан халқының тілдері күніне арналған дәстүрлі қалалық тіл фестивалі өтті. Фестиваль аясында жыл бойы өткізілген шаралар қорытындыланып, Орал қаласында мемлекеттік тіл саясатын жүзеге асыруға, мемлекеттік тілдің мәртебесін нығайтуға үлес қосып жүрген тіл жанашырлары марапатталды.
Шара барысында өңірдегі жалпыұлттық бірлік мен ұлысаралық келісімді нығайту және мемлекеттік тілдің мәртебесін көтеру жолындағы ерен еңбектері үшін айтыскер ақын Гүлжайна Бисенғалиева мен «Ағайын» этно-мәдени бірлестігі төрағасының орынбасары, Ассамблея жанындағы кәсіпкерлер қауымдастығының жетекшісі Болат Сәрсенов «Қазақстан халқы Ассамблеясының 25 жылдығы» мерекелік медалімен марапатталды. Орал қаласы аумағында мемлекеттік тіл саясатының жүзеге асырылуына атсалысып жүрген бірқатар тіл жанашырларына Орал қаласы әкімінің алғыс хаты табыс етілді. Олардың қатарында Жоғары аграрлық-техникалық колледжінің директоры, қалалық мәслихат депутаты Серік Мұхамбетәлиев, облыстық «Қазақ тілі» қоғамының төрағасы Алтынбек Абдулманов, белгілі заңгер Абзал Құспан, «Ақжайық» телеарнасының журналисі Мұнайдар Балмолда, Орал қаласының тұрғыны, қала аумағында өткен «Бірге түзетейік!» шарасына атсалысқан Бекнұр Сражанов, «Телегей» қоғамдық бірлестігінің төрағасы, ақын Нұрлан Сәдір бар.
Р.ХАЛЕЛОВ
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу