КіруТІГІН ЦЕХЫ ЖАҢА ЖҰМЫС ОРЫНДАРЫН АШЫП, ӨНДІРІС ҚУАТТЫЛЫҒЫН АРТТЫРМАҚ
Орал қаласында бірнеше жылдан бері арнаулы киімдер тігумен айналысатын «Адванс-маркет» ЖШС қызметкерлерінің 80 пайызы мүмкіндігі шектеулі жандар. Осы уақытқа дейін жалдамалы орында жұмыс жасаған мекеме жаңа тігін цехына көшті. Алдағы уақытта өндіріс қуаттылығын арттырып, қосымша жұмыс орындарын ашпақ.
Бизнестің әлеуметтік жауапкершілігі туралы қайырымдылықты, меценаттықты, корпоративтік әлеуметтік жауапкершілікті, демеушілікті де атауға болады. Осы ретте кәсіпкер Берік Әбілқасовтың жетекшілігіндегі кәсіпорын есту-сөйлеу қабілеті бұзылған тұлғаларды жұмыспен қамтып отырғанын ерекше атап өту қажет. Қазіргі уақытта арнайы тігін цехында 25 адам жұмыс жасайды. Оның 80 пайызы – мүмкіндігі шектеулі жандар. Жаңа цехтың ашылуында қала әкімінің орынбасары Ерлан Ғалиев компанияның әлеуметтік жауаптылығын ерекше атады.
– «Адванс-маркет» жауапкершілігі шектеулі серіктестігі өте белсенді және қаланың тыныс-тіршілігіне жауапкершілікпен қарайтын бизнес субъектілерінің бірі. Соның ішінде «Жұмыспен қамтудың жол картасы» бағдарламасын жүзеге асыруға атсалысып, мемлекеттік органдармен тығыз жұмыс жасауда. Қаламызда ұйымдастырылған шараларда қоян-қолтық атсалысып келеді, – деген Е.Ғалиев ашылған цехтың өз брендін қалыптастырған үлкен кәсіпорынға айналуына тілектестігін білдірді.
Бес жыл бұрын кәсіпорынның іргесі қаланған сәтте кәсіпкер мүмкіндігі шектеулі жандарды жұмыспен қамтуды алдына мақсат етіп қойған. Ойға алған мақсаты орындалды. Бүгінде цехтың жұмысы өрлеп тұр. Меншікті, кең, жаңа орынжайға көшуі соның нақты бір дәлелі десек болады.
– Жаңа нысанның аумағы 3000 шаршы метр. Еліміздің әр түкпірінен тапсырыс алып, мектеп формасынан бастап арнайы киімнің сан түрін тігеміз. Тұрақты клиенттеріміз де қалыптасты, – дейді Берік Әбілқасов.
«Адванс-маркет» тілін цехы «Белес агро» АҚ, «Орал трансформатор зауыты және «Потенциал Ойл» ЖШС сынды елге танымал компаниялармен бірлесе жұмыс жасауда. «Жасыл ел» еңбек жасақтарының арнаулы киімдерін де тігіп берген болатын. Пандемияның алғашқы кезеңінде маска тігу өндірісін арттырды. Ал жуырда «Қала күні» логотипімен шығарылған маскаларды осы компания басып шығарған.
Жаңа орынжайға орналасқан цехта жұмыс бұрынғыдан да қарқынды болады деп күтілуде. Мұнда қазақстандық нарықты қажетті тігін өнімдерімен қамтамасыз ету үшін жеткілікті қуаттар бар – жоғары технологиялық жабдық, сапалы материалдар, білікті персонал.
Сонымен қатар өндіріс көлемін арттырған кәсіпорын жаңа жұмыс орындарына байқау жариялап отыр. Кәсіп иесінің мәліметінше, кемі 15 бос орын болады.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Пікір үстеу