КіруТеатр деген бір тылсым…
Театр – көздің жасындай мөлдір нағыс хас сұлу өнер
Ғ. Мүсірепов
Әр елдің өзін өзгелерден ерекшелейтін мәдениеті мен әдебиеті, салт-санасы мен тарихы, рухани дүние танымы бар екені даусыз. «Ел ішінде өнер бар, өнерді тапқан шебер бар» дейді дана халқымыз. Сол сан түрлі өнердің ішінде театр өнері, театр мәдениетінің орны бір төбе.
Ақжайық- өнер ордасы. Тұңғыш рет С.Мұханов атындағы қазақ сазды драма театры гастрольдік қойылымдары халық назарына ұсынылуда.Сәуір айының 26-жұлдызында Х.Бөкеева атындағы облыстық қазақ драма театрында М.Жұмабаевтың «Шолпанның күнәсі» қойылымы сахналанды. Аталмыш қойылымды тамашалауға Қазақстан Журналистер одағының мүшесі, қоғам қайраткері, «Шапағат» медалінің иегері, ұзақ жылдар білікті театр басшысы болған, мәдениет саласында көптеген қызмет жасаған Құжырғали Төлеуішев қонаққа шақырылды. Сонымен қатар, ағамыздың 75 жас мерейтойына орай қазақи салт-дәстүрімізді дәріптеп, иығына шапан жапты. Және де С.Мұханов атындағы қазақ сазды-драма театрының директоры
Біржан Нұрмаханұлы Х.Бөкеева атындағы облыстық қазақ драма театрының директоры Нұржан Қалижанұлына және барша театр ұжымына, Ақ Жайық жұртына өз алғысын білдірді.
Айтулы күні театр төрінде С.Мұқанов атындағы қазақ сазды-драма театрының пресс-конференциясы өтті.
Оған директоры Б.Жалғасбаев, көркемдік жетекші Д.Тойбазаров, театр әртістері Ә.Кәрімов, А.Разиев, Н.Асқаровтар қатысты. Конференция барысында театрдың шығармашылық жоспары таныстырылып, театр директорларының арасындағы мәдени ынтымақтастық туралы МЕМОРАНДУМҒА қол қойылды.
Гүлбибі БАҚЫТБАЕВА
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу