КіруТөрт жасар баланы құтқарған полиция қызметкерлеріне құрмет көрсетілді
Батыс Қазақстан облысының әкімі Нариман Төреғалиев қызмет барысында батылдық танытып, төрт жасар баланың өмірін сақтап қалған полиция қызметкерлерімен кездесіп, оларға құрмет көрсетті.
Кездесу барысында облыс әкімі полиция қызметкерлерінің кәсіби шеберлігі мен жедел әрекетінің арқасында қайғылы жағдайдың алдын алуға мүмкіндік туғанын атап өтті. Ол адам өмірін сақтап қалу – үлкен жауапкершілік пен ерліктің көрінісі екенін айтып, тәртіп сақшыларына адал қызметі үшін ризашылығын білдірді. Сонымен қатар бала қауіпсіздігін қамтамасыз етуде ата-аналардың жауапкершілігі ерекше екенін айтып, мұндай оқиғалардың алдын алу бағытындағы түсіндіру жұмыстарын күшейту қажеттігіне тоқталды.
Еске салсақ, оқиға 10 шілде күні Орал қаласының Зачаган кентіндегі көпқабатты тұрғын үйлердің бірінде болған. Жетінші қабаттағы пәтердің терезесіне шығып кеткен төрт жасар бала туралы хабарлама түскен бойда полиция қызметкерлері оқиға орнына жетіп, жедел әрекет ету арқылы қайғылы жағдайдың алдын алды. Баланы құтқару ісіне патрульдік полиция батальонының қызметкері Рысбек Агзамов, Бәйтерек аудандық полиция бөлімінің қызметкері Рафаэль Ишакаев және Орал қаласы полиция басқармасының қабылдау-тарату орнының полиция жүргізушісі Батырбек Сейітов қатысты.
Кездесу соңында облыс әкімі Нариман Төреғалиев ерлік көрсеткен тәртіп сақшыларын Алғыс хатпен және естелік сыйлықтармен марапаттап, олардың еңбегіне жоғары баға берді.
Ә.Бақытжанқызы
Соңғы жаңалықтар
Жұмыс орындары, экология, баспана және отандық өндіріс: партиялар 17 тамызда не туралы айтты?
БҚО-да Құрылтай сайлауын өткізу бойынша ұйымдастыру шаралары тиісті деңгейде жүргізіліп жатыр
ОО «Atamnyn amanaty» принимает заявки на поиск погибших и пропавших без вести солдат и офицеров в годы Второй Мировой войны
Государство не ограничивает свободу слова, а защищает ее – Аида Балаева
Өнер мен мәдениетке көрсетілген құрмет – ұлт руханиятына жасалған қолдау
Жалған ақпаратқа қарсы орталық: Құрылтай сайлауы қарсаңында фейктер көбейді
«Тиімді басқару, сабақтастық және «Адал азамат» құндылықтары»: облыс педагогтерінің тамыз кеңесінде өзекті мәселелер талқыланды
Кім егістікке, кім зауытқа барды, ал кім алғашқы конгресті өткізді
