КіруСу тасқынының алдын алу шаралары пысықталды
Батыс Қазақстан облысының әкімі су тасқынының алдын алуға бағытталған жұмыстарды күшейтуді тапсырды.
Батыс Қазақстан облысының әкімі Нариман Төреғалиев Орал қаласындағы Зашаған кентіндегі су басу қаупі бар шағын аудандарға, Саратов тас жолындағы су арнасы жүйесіне, сондай-ақ, Орал қаласының ескі орталық көшелерінде болды.
Облыс әкімі төтенше жағдайлар департаментіне, қала әкімдігіне және коммуналдық қызмет саласының мамандарына – қар, жаңбыр суларын уақытылы шығару, жолдарды бөгеу, қапшықтармен құм төсеу, су арналары мен құбырларды тазалауды тапсырды.
Айта кетейік, бүгін 2024 жылғы 26 наурыз күні облыс аумағында және Орал қаласында жауын-шашын тоқтаусыз жауып тұр. Осыған байланысты, жаңбыр және еріген қар суы жердің жібімеуіне, яғни тоңның қалың болуына байланысты, жерге сіңбей тұрғын үйлерді су басу қаупін төндіріп тұр.
Қазіргі уақытта су тасқынының алдын алу бойынша арнайы облыстық штаб тәулік бойы жұмыс істейді. Өңір басшысы Нариман Төреғалиев шаһардағы су басқан қауіпті аумақтарды өз көзімен көріп, тиісті жұмыстарды күшейтілген режимде атқаруды тапсырды. Өз сөзінде облыс әкімі аталған жұмыстарды қатаң бақылауда ұстайтынын жеткізді.
БҚО әкімдігінің баспасөз қызметі
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
