КіруСу тасқынынан зардап шеккен саяжай тұрғындарына үйлер салынуда
БҚО әкімі Нариман Төреғалиев су тасқынынан зардап шеккен саяжай тұрғындарына салынып жатқан Оралдағы тұрғын үйлердің құрылысымен танысты.
Атап айтқанда, Нариман Төреғалиев Орал қаласындағы Жұлдыз шағын ауданы, Зашаған кенті және Деркөл кентіндегі Сарыарқа, Көкжиек шағын аудандарындағы құрылыс алаңдарына барды. Өңір басшысы құрылыс компанияларының басшыларымен кездесіп, тұрғын үйлердің сапасын және аяқталу мерзімін басты назарда ұстауды тапсырды.
«Су тасқынынан зардап шеккендерге салынып жатқан баспаналардың құрылысы тікелей Мемлекет басшысының бақылауында. Біз тұрғын үйлерді барынша сапалы қылып салу керекпіз. 1-ші қыркүйекке дейін құрылыс жұмыстары аяқталып, тұрғындар баспаналарына қоныс аударуы тиіс», -деді Нариман Төреғалиев.
Облыс әкімі құрылыс жұмыстарын қатаң бақылауда ұстауды орынбасары Тілепберген Каюповке тапсырды.
Нариман Төреғалиев құрылыс жұмыстарына жергілікті компаниялар тартылғанын атап өтті. Қазіргі уақытта 30 компания құрылыс жұмыстарын жүргізуде.
“Құрылыс жұмыстарын жүргізіп жатқан компаниялардың барлығы-жергілікті компаниялар. Бұл өз кезегінде бәсекелестікті дамытуға әкеледі. Өңірдегі құрылыс компанияларының саны артады. Қазір бұлкомпаниялар үй салудан бастаса, болашақта ірі-ірі әлеуметтік нысандардың құрылысына көшеді”- деді БҚО әкімі.
Атап өтейік, қазіргі уақытта Орал қаласында су тасқынынан зардап шеккен саяжай тұрғындарына арналған 450 үйдің құрылысы жүріп жатыр.
БҚО әкімдігінің баспасөз қызметі
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
