КіруСОҢҒЫ ҚОҢЫРАУ МЕН МЕКТЕП БІТІРУ КЕШІ БІРГЕ ӨТУІ МҮМКІН
ҚР Білім және ғалым министрі А.Аймағамбетов соңғы қоңырау да, мектеп бітіру кеші де бір күнде өтуі мүмкін екенін айтты. Бұл туралы 27 сәуірде Instagram желісіндегі Tengrinews.kz парақшасы арқылы тікелей эфирге шыққанда айтты.
«Мектеппен қоштасу мүмкіндігі болады деп болжап отырмыз. Жағдай оңалып, науқастардың саны азайып, карантин режимі алынса, әдетте маусымның ортасында мектеппен қоштасу кеші болатын. Яғни, аттестат салтанатты түрде беріледі. Қазір мектеппен қоштасу кешінде соңғы қоңырау мерекесін қатар өткізу үшін концепция дайындап жатырмыз», – деп түсіндірді Аймағамбетов.
Министр мерекелік шаралар барлық санитарлық нормалардың сақталуымен өтетінін айтты.
«Үміт үзудің қажеті жоқ. Ол бәріміздің басымыздан өткен, мектеппен қоштастық. Ол өте әсерлі сәт қой, сондықтан карантин режимі жеңілдеп не маусымда алынып тасталса, санитарлық нормалардың сақталуымен өтеді. Сол кезде салтанатты кеш пен мектеп бітіру кешін өткізе аламыз», – деді министр.
Сурет "Жайық үні" редакциясы архивінен алындыВерсия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу