Кіру«ШАҢЫРАҚ» ҮЙІНЕ ЖЕКЕ ҚОРҒАНУ ҚҰРАЛДАРЫ ТАРАТЫЛДЫ
Медициналық масканың тапшылығына байланысты оралдық көпбалалы аналар үйден жеке қорғану құралдарын дайындауды бастады.
Бүгін «Тұғырым» қоғамдық бірлестігі мен Орал қаласы жастар ресурстық орталығының еріктілері бірнеше мәрте қолдануға болатын қорғану құралдарын «Шаңырақ жасөспірімдер үйінің тұрғындарына тегін таратты.
Ресурстық орталықтың бөлім басшысы Дулат Жүсіпқалиевтің мәліметінше, көпбалалы аналар бір күн ішінде 350 дана бетперде дайындаған.
– Елдегі жарияланған төтенше жағдайға орай Президентіміздің үндеуінде айтылған коронавирус пандемиясына байланысты сақтық шараларын күшейту жөніндегі тапсырманы оралдық волонтерлар ықыласпен орындауда. Қазір көп жерде медициналық бетперде табу қиын. Осындай қиын кезеңде белсенді көпбалалы аналар халықпен бірге болып, пайдалы іске жұмылып, қорғану құралын тігуде, – дейді Дулат Жүсіпқалиев.
Айта кетейік, жасөспірімдер үйіне бетперделермен қатар антисептиктер үлестірілді.
Сондай-ақ жастар ресурстық орталығының волонтерлері көпбалалы, әлеуметтік аз қамтылған отбасылардың үйлеріне арнайы барып, жеке қорғану құралдарын таратпақ.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу