КіруСАЯЖАЙДАҒЫ ҰРЛЫҚ
Орал қалалық Полиция басқармасы криминалдық полиция бөлімінің жедел уәкілдері 2020 жылғы 14 желтоқсанда бірнеше рет ұрлықты кәсіп қылған күдіктіні құрықтады. Бұл туралы Орал қаласы Полиция басқармасының баспсөз қызметі хабарлады.
1998 жылғы К. есімді, еш жерде жұмыс жасамайтын тұлға түннің қою қараңғылығын пайдаланып, «Рассвет» саяжай қоғамындағы саяжай үйлері есіктерінің құлыптарын бұзып ашқан. Үй ішінде жинаулы тұрған су айдайтын насостарды, бетон ыдыстарды, газ баллон, 50 метрлік кабель, бау-бақшаға қажетті құрал-саймандардың бірін қалдырмай өз үйіне тасыған. Бір түнде екі саяжай үйіне кіріп, үй иелеріне тиесілі заттардың түгін қалдырмастан үптеп кеткен.
Жаз бойы бау-бақшасына керек құрал-саймандарынан, бірнеше электрлі моторларынан айырылған 1975 жылғы қала тұрғыны қалалық басқармаға келіп, ұрлық орын алғаны туралы арыз жазды. Саяжай иесіне 300 мың теңге көлемінде материалдық залал келді.
Полицейлердің жедел әрекеті нәтижесінде күдікті кезекті ұрлыққа кірісу барысында полиция қызметкерлерінің қолына түсті. Басқармаға жеткізілген күдікті ұрлық жасап, заттарды сатып ақша жасамақ ойы болғанын жасырмай айтты.
Бүгінгі күні Орал қаласы Полиция басқармасы Қазақстан Республикасы Қылмыстық Кодексінің 188-бабының 3-бөліміне сай 2 эпизодты қылмыстық іс қозғады. Қылмыстық іс тергеу бөлімінің өндірісінде. Тергеу амалдары жүргізілуде.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу