КіруСАҚШЫЛАР ВОЛЕЙБОЛ ОЙНАДЫ
Орал қ.ПБ жеке құрамы арасында бұқаралық спортты насихаттау, тәртіп сақшыларының спортпен шұғылдануларына мол мүмкіндік жасау, физикалық дене күштерін шынықтыру мақсатында бірнеше спорттық жарыстар мен спартакиадалар, отбасы арасындағы сайыстар мен көпшілік жүгіру, жалпы спорттың барлық түрінен түрлі жарыстар ұйымдастырылып келеді. Бұл жердегі мақсат-қоғамдық қауіпсіздікті қамтамасыз ету үшін уақытпен санаспай қызмет сапынан табылатын жеке құрамның күш-жігерлерін тасытып, баршасын спортқа баулу еді.
Қазақстан Республикасының Тәуелсіздігі күніне орай кең спорт залда басқармадағы барлық құрылымдық бөлімшелер арасында волейболдан жарыс өтті. Облыстық «Динамо» спорт және денешынықтыру қоғамы мен Орал қ.ПБ бірлесе ұйымдастырған спорттық шараға мұздай дайындалған бірнеше команда қатысты. Әр команда құрамында погонды 6 қызметкерден болды. Абай мен Шаған полиция бөлімдерінің командалары пысықтық танытып, жеңуге ұмтылды. Жарысты тамашалауға тәртіп сақшыларының отбасы мүшелері, алаңда доп қуудан алдарына жан салмайтын өрімдей ұлдары, тума-туысқандары және жанкүйерлер біраз жиналды. Тәуліктің алғашқы жартысында мереке қарсаңында ұйымдастырылған волейболдан жарыс басталып, Орал қ.ПБ бастығы полиция подполковнигі М.Айкеновтің атынан құттықтауы жеткізілді. Басқарма бастығының орынбасары полиция подполковнигі Ерсайын Тұманғалиев жеке құрамды жарыстың басталуымен құттықтап, жеңіс тұғырынан көрінулерін тіледі.
Волейбол қызу тартысты өтті. Әрбір команда ұйымшылдықпен әдемі ойын өрнегін көрсетіп, қарсылас командалар волейбол сеткасына ұпай салумен болды. Абай полиция бөлімінен жасақталған командадағы жас жігіттер ерекшеленіп, алаң ортасында доп қуудан 1 орынды ешкімге бермеді. Шағандық полицейлер де жанталасып, қарсылас команданың еншісіне екі еселеп доп соғып, шеберліктерімен таң қалдырды. Көп ұпай жинаған Абай полиция бөлімінің командасы 1 орынды жеңіп алды. Басқарманың айдауыл қызметі командасы 2 орынмен жеңіс тұғырына шақырылды. 3 орын жол-патрульдік полициясы баталонының командасына берілді.
Басқарманың басшылығы волейболдан көзге түсіп, жанкүйерлердің көзайымына айналған спортшыларға түрлі номинациялар беруді ұйғарды. Осылайша, «Үздік шабуылшы» номинациясы, «Үздік байланыстырушы» номинациясы, «Үздік тосқауылшы» номинациясы спортшыларға тапсырылды. Жеңіске жеткен командалар мен түрлі номинацияға қол жеткізген сақшыларға облыстық «Динамо» спорт және дене шынықтыру қоғамы атынан спорттық костюмдер мен кубоктар, бағалы сыйлықтар мен алғыс хаттар, спорттық доптар тапсырылды. Кең залда доп қуып, секіріп, бойлары сергіген тәртіп сақшылары керемет жарыс ұйымдастырған басшылыққа алғыстарын айтты.
Басқарманың жеке құрамы арасында спортты насихаттау мақсатындағы жарыстар алдағы күндері де өткізіліп, спорттық көпшілік іс-шаралар жалғасын таба береді.
Гүламан Исмагулова, Орал қ.ІІБ баспасөз қызметкері
Версия для печатиСоңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Пікір үстеу