КіруРухани құндылықтар орталығына – 80 жыл
Бүгін, «Мәдени жол-80» жобасы аясында «Мерейлі мәртебе» атты тақырыпта облыстық халық шығармашылығы орталығының 80 жылдығына орай мерекелік жиын өтті.
Алдымен аталмыш орталықтың жүріп өткен сара жолынан сыр шертетін жаңа музей ашылды. Музейдің лентасын мәдениет саласының еңбек ардагерлері Райса Шынтемірова мен Гүлсім Қадешова қиды.
Бұдан соң салтанатты жиын өтіп, облыс әкімі Нариман Төреғалиев қүттықтау сөз сөйлеп, Мемлекет басшысы «Ұлт мәдениеті – халық өмірінің айнасы, оның болмысы»- деп өз Жолдауында атап көрсеткенін, батыс өңірінде мәдениетіміз бен руханиятымыздың дамуына өзіндік үлесін қосқан аталмыш орталықтың еңбегін айтып, бұрынғы директорлары мен еңбек ардагерлерін Алғыс хатпен марапаттады.
Сондай -ақ «Еңбек даңқы» төсбелгісін Галина Абылаева, Арман Базаров, Батырхан Қайров иеленсе, басқв да сала мамандарына облыстық мәдениет, тілдерді дамыту, архив ісі басқармасының Алғыс хаты берілді. Маңғыстау,Қостанай,Қызылорда,Қарағанды облыстарынан келген қонақтар – Нұрболат Кудусов, Индира Қанафина, Гүлнар Молдашева, Қонысбай Мәлік жүрекжарды тілектерін жеткізді. Салтанатты жиыннан соң танымал әнші Наркенке Серікова, Қуаныш Жексен, Асхат Үрпеков әуелете ән шырқап, қошеметке бөленді.
Сондай-ақ өнерпаздар өнерлерімен тәнті етіп, кештің шырайын келтірді.
Гүлжан Аязбаева
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
