КіруҚР Ауыл шаруашылығы министрі Айдарбек Сапаров өңірдегі «Кублей» ет өңдеу кәсіпорнының өндірістік әлеуетімен танысты
Батыс Қазақстан облысына жасаған жұмыс сапары барысында Қазақстан Республикасының Ауыл шаруашылығы министрі Айдарбек Сапаров өңірдегі ірі өндіріс орындарының бірі – «Кублей» ЖШС-да болды. Кәсіпорынның қазіргі жұмысы мен алдағы даму жоспарлары жөнінде серіктестік директоры Талғат Берекешев баяндады.
Кәсіпорын бүгінде ет және балық консервілерін, өсімдік негізіндегі өнімдер мен түрлі деликатестерді өндіреді. Дайын өнім ішкі нарықпен қатар шетелге де жөнелтіледі. Өндіріс орнында халықаралық сапа талаптарына сәйкес менеджмент жүйесі енгізілген, мұнда 700-ден астам адам тұрақты жұмыспен қамтылған.
Министр өндірістік цехтарды аралау барысында ет өңдеу желілерінің технологиялық мүмкіндіктерімен танысты. Заманауи еуропалық құрал-жабдықтармен жабдықталған кәсіпорында өндіріс үдерістері толықтай автоматтандырылған.
Өндірістік кешенде мал сою, сүйекті ажырату, теріні және өндірістік қалдықтарды қайта өңдеу, өнімді қаптау секілді бірнеше бағыт бір жүйеге біріктірілген. Сондай-ақ қажетті температуралық режимді қамтамасыз ететін арнайы тоңазытқыш қоймалары жұмыс істейді. Кәсіпорында тәулігіне шамамен 250 бас ірі қара мен 700 басқа жуық ұсақ мал сойылып, мұздатылған өнімдердің 50-ге жуық түрі дайындалады.
Кәсіпорында өнім сапасы мен қауіпсіздігіне ерекше көңіл бөлінген. Шикізат қабылдаудан бастап дайын өнімді шығарғанға дейінгі барлық кезеңдер зертханалық бақылаудан өтеді. Өндіріс халықаралық азық-түлік қауіпсіздігі талаптарына және халал стандарттарына сәйкес ұйымдастырылған. Сонымен қатар экологиялық талаптарды сақтау мақсатында заманауи ағынды су тазарту жүйесі пайдаланылуда.
Сапар барысында кәсіпорын басшысы алдағы инвестициялық жобаларды да таныстырды. Олардың қатарында суару технологияларын пайдалана отырып мал азығын өндіруді дамыту және мал бордақылау кешенін іске қосу жоспарлары бар. Өз кезегінде Айдарбек Сапаров кәсіпорынның өндірістік әлеуетіне оң бағасын беріп, ұсынылған бастамаларды іске асыру бағытында жауапты мемлекеттік органдарға тиісті тапсырмалар жүктеді.
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
