Президент сайлауы – 2019. Сайлауға 9,4 млрд теңге бөлінеді
Бүгін Үкімет отырысында Орталық сайлау комиссиясына президент сайлауына байланысты 9,4 миллиард теңге қаражат бөлу туралы шешім қабылданды, деп хабарлады BAQ.KZ
«Кезектен тыс сайлауға қатысты 10 мыңға жуық сайлау учаскелері құрылады. Соның шеңберінде 70 мыңға дейін адам сайлау учаскесіндегі комиссия мүшесі болуға тартылады», – деді Қаржы министрі Әлихан Смайылов.
Министрдің айтуынша, сайлау комиссияларының жұмысын қамтамасыз ету үшін 9,4 миллиард теңге бөлінеді.
«Бүгін шешім қабылданды. Жақын арада бөлінеді», – деді ол.
«Не себепті бөлінетін қаражат қысқартылады?» деген сұраққа министр әр өңір бойынша қанша сайлау учаскесі болатынын есептегендерін айтты.
«Біз әр өңірде неше сайлау учаскесі болатынын, ол жерде қанша адам жұмыс істейтінін анықтадық. Онда сайлаудың басынан аяғына дейін жұмыс істемейтін адамдар бар. Соның бәрін есептеп, осындай қорытындыға келдік», – деді Әлихан Смайылов.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды

Кіру
Пікір үстеу