КіруОРАЛДАҒЫ ЖОҒАРЫ ОҚУ ОРНЫНДА ДЕНЕ ШЫНЫҚТЫРУ КЕШЕНІ АШЫЛДЫ
Оралдағы Жәңгір хан атындағы Батыс Қазақстан аграрлық-техникалық университетінде «Сұңқар» дене шынықтыру кешені ашылды.
Ол үшін университет ректоры Асқар Наметовтың бастамасымен білім ордасының жертөлесі жаңартылып, жеті зал жабдықталған. Атап айтқанда, спорт кешенінде қазақ күресі, дзюдо, үстел теннисі, гір тасын көтеру, қол күресі бойынша жаттығулар жүргізуге, тоғызқұмалақ, шахмат, дойбы сынды интеллектуалды ойындар ойнауға болады. Сондай-ақ жаттығу құралдары қойылып, тренажерлік зал жасақталған. Спорт кешенінде оқу орны студенттерімен қатар, Зашаған кенті жастарының да жаттығуына мүмкіндік берілмек.
–Өткен жылдан бастап оқу процесінен «дене шынықтыру сабағы» ұғымын алып тастадық және дене шынықтыру сабағының мұғалімдері «жаттықтырушы» лауазымына ауыстырылды. Нақтырақ айтқанда, студенттеріміз өз қызығушылықтары бойынша спорттық клубтарға қатысады. Оқу орнында 18 спорттық клуб жұмыс жасайды. 2100 студентіміз осы клубтардың белсенді қатысушысы. Олардың жетістіктері де бар. Әсіресе, студенттеріміз республикалық жарыстарда, Универсиада ойындары кезінде гір тасын көтеру, қол күресі жарыстарынан жүлделі орындарды иемденіп жүр, – дейді спорт клубының директоры Асхат Өкшебаев.
Эльмира НҰҒМАНОВА
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу