КіруОРАЛДАҒЫ 58 ДӘРІХАНАҒА ҚОҒАМДЫҚ МОНИТОРИНГ ЖҮРГІЗІЛДІ
12 шілде күні ҚР Сыбайлас жемқорлыққа қарсы іс-қимыл агенттігінің БҚО бойынша департаменті, «NUR OTAN» партиясының БҚОФ, «Aqjayiq adaldyq alany» жобалық кеңсесі басшылығы, сондай-ақ қоғам және БАҚ өкілдерінің қатысуымен Орал қаласындағы дәріханаларға мониторинг жүргізілді.
Мониторингпен қаланың 58 дәріханасы қамтылды, оның ішінде дәріханалардың ірі желілері («Талап» АҚ, «Провизор» ЖШС, «Рахишева Б.Р.» ЖК және т.б.), сондай-ақ қаланың шағын дәріханалары («Нурушева» ЖК, «Пиляева» ЖК, «Малаева» ЖК және т.б..) бар. Азитромицин, Тамифлю, Ингавирин, Арпефлю, Цеф III, Цефтриаксон, Левозин сияқты көптеген вирусқа қарсы және ыстықты түсіретін препараттардың жоқтығы байқалады, бұдан басқа қызу өлшегіштер де сатылымда жоқ. Сатушылардың түсіндірулері бойынша қоймаларда тиісті дәрі-дәрмектер жоқ. Бұл ретте, көптеген дәріханаларда ұқсас вирусқа қарсы препараттардың бағасы (Азитромицин, Тамифлю, Арпефлю, Сумамед) бірнеше есеге қымбат.
Сондай-ақ рұқсат етілген баға 118 теңге болғанымен, медициналық маскалардың кейбір дәріханаларда құны 120 теңгеге сатылып жатқаны анықталды.
Бүгінгі күні Орал қаласында дәріханалар штаттық режимде жұмыс істеуде, кезектілік жоқ.
Мониторинг барысында медициналық препараттарды лицензиясыз заңсыз сату фактілері анықталған жоқ.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу