КіруОРАЛДА ЕУРОПАЛЫҚ САПА СТАНДАРТЫНА САЙ ЖАҢА ФИТНЕС ОРТАЛЫҒЫ АШЫЛДЫ
«Қала күні» мерекесі аясында оралдық жеке кәсіпкер Хаваж Исаев жаңа «Х Fitnes» фитнес орталығын ашып, шаһардағы фитнес орталықтарының қатарын толықтырды.
Фитнес орталықтың ашылуына қала әкімі Абат Шыныбеков, спорт ардагерлері мен қызметкерлері, жас спортшылар және қала тұрғындары қатысты.
– Елімізде бұқаралық спорттың дамуына жеке кәсіпкерлердің ынта танытуы қуантады. Бұл орталық қалалықтардың чалауатты өмір салтын ұстану дағдысын қалыптастыруынп сеп болады деп сенеміз, – деді шаһар басшысы Абат Абайұлы.
Өз кезегінде деке кәсіпкер Хаваж Исаев фитнес орталықты ашуға қолдау көрсеткен қала әкімшілігіне алғысын айтты.
Кәсіпкердің сөзінше, фитнес орталығы құрылыс технологиясының жетістіктерімен халықаралық стандарттарға сәйкес салынған. Ғимараттың жалпы ауданы – 1405 шаршы метр. Мұнда сағатына 208 адам жаттыға алады. Кешен ғимаратында бос орын жеткілікті. Ең бастысы блотты тренажерлар, кардиотренажерлар және аэробты жаттығу залы, жекпе-жек, бокс, кроссфитке арналған көпфункционалды зал орналасқан. Ғимаратта массаж бөлмесі, сұлулық салоны, фито-бар, сауна да қызмет көрсетеді.
«X Fitness» – барлық талаптарға жауап беретін және еуропалық сапа стандарттарына сәйкес заманауи жаттығу тренажерларымен жабдықталған. Мәселен, бас жаттықтырушы Дмитрий Расторгуев таныстырып өткеніндей, тыныс алу, жүрек қағысының қалыпты болуына пайдасы мол «Климбер» тренажеры Орал қаласына алғаш әкелінген.
Жаңа фитнес орталығы М.Жүнісов көшесі 134 мекенжайында баршаңызды күтеді.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу