КіруОРАЛДА АПАТТЫ ҮЙЛЕР АЗАЙЫП КЕЛЕДІ
Орал қаласы аумағындағы тозған және апатты үйлер мәселесі мемлекеттік-жеке меншік әріптестік қағидаты бойынша оң шешіліп келеді. Аталмыш бағдарлама жүзеге асырыла бастаған 2015 жылдан бастап 17 үй бұзылған. Орнына жаңа үйлер бой көтеруде. Өңірлік коммуникациялар қызметінің баспасөз алаңында өткен брифингте қала әкімі Абат Шыныбеков шаһардағы апатты үйлердің азайғанын атап өтті.
Қазіргі уақытта уақытша қоныс аударғандар – 133 отбасы, оның ішінде жартысы жергілікті атқарушы органның теңгеріміндегі тұрғын үйлерге орналастырылған. қалған 50 пайызын құрылыс салушылардың өздері жеке тәртіппен көшірді.
– Бүгінгі күні бағдарлама бойынша 4 үй салынып, эксплуатацияға тапсырылды. соның ішінде биылғы жылы екі көпқабатты тұрғын үй берілді. Олар – Гагарин көшесі 1 мекенжайы бойынша 12 пәтер кілті табысталса, Құрманғазы көшесі 198 мекенжайында 8 пәтер қолданысқа тапсырылды. Барлығы 68 отбасы жаңа пәтерлерге қоныстанды, соның ішінде 25 отбасы тұрғын үй кезегінде тұрған отбасылар, – деді Абат Абайұлы.
Қазіргі таңда қалада 41 апатты үй бар. Биыл алты апатты үй бұзылған. Келесі жылы бес апатты және ескі үйді бұзу жоспарлануда.
Елмұра АСХАТҚЫЗЫ
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу