КіруОралда Абай Құнанбайұлының 180 жылдығына орай құрмет көрсетілді
Бүгін ұлы қазақ ақыны, ойшылы және ағартушысы Абай Құнанбайұлының туғанына 180 жыл толуына орай Орал қаласында оның ескерткішіне гүл қою рәсімі өтті.
Батыс Қазақстан облысының әкімі Нариман Төреғалиев, басқарма басшылары, шығармашылық зиялы қауым өкілдері, студенттер мен оқушылар қазақ халқының ұлы перзентіне тағзым етті.
Салтанатты шарада Нариман Төреғалиев Абайдың рухани мұрасының қазіргі және болашақ ұрпақ үшін баға жетпес бағдар екенін атап өтті:
«Абай Құнанбайұлы – даналықтың, адамгершіліктің және білімге ұмтылудың символы. Оның сөзі мен идеялары бүгін де өзекті, бізді өрлеуге, ұлттық рухты нығайтуға және мәдени құндылықтарды сақтауға шабыттандырады», – деді Н. Төреғалиев.
Сонымен қатар, салтанатты жиында аймақ басшысы жуырда Семей қаласында өткен марафонда топ жарған оралдық спортшының жеңісін де атап өтті. Нариман Төреғалиевтің айтуынша бұл жетістік – өңір жастарының табандылығы мен жеңіске деген жігерінің айқын көрінісі, ұлы ойшылдың күллі даламызға ортақ екенінің айғағы.
Іс-шара барысында қатысушылар ұлы ойшылды бір минут үнсіздікпен еске алып, ескерткішіне гүл шоқтарын қойды.
Өңірдің шығармашыл жастары Абайдың өлеңдерін оқып, облыстық филармония әртістері оның белгілі музыкалық шығармаларын орындады.
https://www.facebook.com/share/p/1YdNrFYtXc/?mibextid=wwXIfr
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
