КіруОРАЛ ҚАЛАСЫ ӘКІМІ ӘЙЕЛДЕР ҚАУЫМЫН 8 НАУРЫЗ МЕРЕКЕСІМЕН ҚҰТТЫҚТАДЫ
Орал қаласы әкімі Абат Шыныбеков нәзік жандыларды 8 наурыз — халықаралық әйелдер күні мерекесімен құттықтады. Онлайн форматта өткен кездесуге еңбек ардагерлері, қаланың құрметті азаматшалары, әртүрлі салада қызмет ететін белсенді әйелдер қатысты.
– Қаламызда өмірге ұрпақ әкеліп, оларды тәрбиелеп-өсіруде үлгі-өнеге болып жүрген алтын құрсақты аналар жеткілікті. Бүгінде шаһарымызда 4 мыңға жуық көпбалалы аналар бар. Олардың 103-і «Батыр аналар», 613-і «Алтын алқа», 930-ы «Күміс алқа» иегері. Қаламыздағы қыз-келіншектер үй шаруасы мен қызметтің әр түрлі жауапты міндеттерін орындауды шебер үйлестіруде. Мәселен, қазіргі таңда қалада 4 мыңнан астам мұғалім, 1200-дей медицина, 200-ге жуық полиция және 75 төтенше жағдай қызметкерлері әйелдер. Бұлар — ер адамдармен қатар қызметтерін адал атқарып жүрген нәзік жандылар. Сіздердің қоғамдағы орныңыз, ұрпақ тәрбиесі мен ел өміріндегі елеулі істерге үлесіңіз орасан, — деген шаһар басшысы Абат Абайұлы кездесуге қатысқан әйелдер қауымына ақ тілегін арнады.
Оларға волонтерлер арқылы құттықтау хат пен гүл шоқтары табыс етілді. Нәзік жандылар көрсетілген құрмет үшін қала әкіміне алғыс айтып, қаланың өркендеуіне тілектестіктерін білдірді.
Сондай-ақ қала басшысы ңбек ардагерлерінің үйлеріне барып, арнайы құттықтады. Олардың ішінде Нәбия Сейітқалиева, Валентина Шарина, Балғаным Кәкімова, Ольга Исаева сынды ардагерлер бар.
Ақ жаулықты аналар көктемнің шуақты мейрамымен құттықтай келген қала әкіміне ризашылықтарын білдірді. Шаһар басшысы оларға ұзақ ғұмыр тілеп, гүл мен сый-сияпат табыстады.
zhaikuni.kz
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу