«OPEN SPACE» ФОРМАТЫНДА КЕЗЕКТІ ОНЛАЙН СЕССИЯ ӨТТІ

Бәсекелестікті қорғау және дамыту агенттігінің Батыс Қазақстан облысы бойынша департаменті 2020 жылғы 9 қазанда сағат 11.00-ден 13.00-ге дейін, «Мемлекеттік сатып алуға қатысу барысындағы кедергілер» мәселесі бойынша «Open Space» форматында кезекті онлайн сессиясын өткізді.

Аталмыш алаңның жұмысын, Департамент басшысы Канат Билялов ашты. Ол өзінің алғысөзінде, бұл жаңа формат ең алдымен монополияға қарсы реттеушілер, бизнес пен тұтынушылар арасындағы қашықтықты азайтуға, қымбат уақытты үнемдеуге, ашықтық пен пікірлердің еркін алмасуына бағытталғанын атап өтті. Сессияға нарық субъектілері, бизнес қауымдастықтар, қоғамдық бірлестіктер, бұқаралық ақпарат құралдары мен мемлекеттік органдардың өкілдері, сондай-ақ тұтынушылар қатысты.

«Open Space» форматындағы, аталған сессияны өткізу шеңберінде мемлекеттік сатып алу рәсімдерін өткізу кезінде бәсекелестікті шектейтін мынадай фактілер анықталды:

– бір лотқа бір-бірімен байланысты емес қызметтерді сатып алуды біріктіру, бұл өз сегментінде бұрыннан келе жатқан монополистер болып табылатын нарық субъектілерінің жеңісіне әкелді, яғни бұл жерде сатып алу » нақты бір » нарық субъектісіне дайындалды деп айтуға болады;

– әлеуетті өнім берушіден елеулі материалдық және адами ресурстарды талап ететін аумақтық қағидат бойынша» лоттарды ірілендіру»;

– әлеуетті жеткізушілерге қойылатын артық, негізсіз біліктілік талаптарының болуы: техниканың шамадан тыс саны, бұл ретте, көбінесе белгілі бір өндірушілердің маркалары, жұмыс тәжірибесі және сол сияқтылар талап етілетін, яғни талаптар шағын және орта кәсіпкерлік субъектілерінің көпшілігі оларды «тарта»алмайтындай етіп жасалған.

Онлайн кездесулердің қорытындысы бойынша «кедергілер картасы» құрылды, ол Батыс Қазақстан облысының кәсіпкерлерінің жұмыс барысында туындайтын мемлекеттік сатып алу рәсімдерін өткізу кезінде бәсекелестікті шектеуден, мемлекеттік органдардың экономикалық процестерге шамадан тыс араласуынан, нарыққа кіруді ынталандыруды төмендететін өндірістік емес шығындарды арттыратын өзге де процестерден тұрады.

Сондай-ақ, онлайн сессияны қорытындылай келе кездесуге қатысушылардың барлығы «Open Space» форматындағы байланыс идеясын оң бағалады және барлық қатысушыларға проблемалар мен оларды шешу жолдарын нақтылау үшін берілген форматта жұмысты жалғастыруға тілек білдірді.

Версия для печати