КіруҚОҚЫС ШЫҒАРУДЫҢ ЖАҢА ТАРИФІ БЕКІТІЛДІ
Бұдан бұрын айтылғандай, алдағы жылдан бастап қоқыс шығару тарифі қымбаттайды. Бүгін Орал қалалық мәслихатының 39-шы кезекті сессиясында депутаттар қатты тұрмыстық қалдықтарды жинау, шығару, кәдеге жарату, қайта өңдеу және көмуге арналған жаңа тарифті бірауыздан бекітті.
Қалалық тұрғын үй шаруашылығы бөлімі басшысының орынбасары Қанат Өмірәлиевтің айтуынша, қатты тұрмыстық қалдықтарды көму полигонындағы бүгінгі таңдағы негізгі мәселе – қоқыстың шектен тыс толып кетуі және өртенуі болып отыр. Мәселені шешу үшін айтарлықтай қомақты қаражат қажет.
– Полигон 44 жыл бойы жұмыс істеп келеді. Қалдықтарды дұрыстап көмуге қажетті техниканы жалға алу үлкен шығынды талап етеді. Қазіргі тариф құнын есепке алсақ, текшеметрі 160 теңгені құрайды. Яғни, қоқысты көмудің тоннасы – 761 теңге. Кәсіпорын өз шығынын өтей алмайды. Мысалы, Ақсайдағы осы тектес полигондағы қоқыс көмудің бір тоннасы – екі мың теңгені құрайды, – дейді Қанат Өмірәлиев.
Енді жаңа жылдан бастап қала тұрғындары үшін қоқыс шығару тарифі 33 пайызға көтерілмек. Көпқабатты үй тұрғындары айына жан басына – 286,3 теңге төлейді. Ал жеке сектор тұрғындары айына жан басына – 291,6 теңге төлейтін болады. Айта кету керек, жаңа тариф бойынша қалалықтар қашаннан бастап төлем жасайтыны әзірге белгісіз.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу