КіруҚОҚЫС ПОЛИГОНЫН ТАЛАПҚА СӘЙКЕСТЕНДІРМЕГЕНІ ҮШІН ӘКІМ ЖАУАПҚА ТАРТЫЛДЫ
БҚО Жаңақала ауданы прокуратурасы заңсыз жерді қазу және тұрмыстық қалдықтарды төгу фактілерін анықтады.
БҚО прокуратурасының ресми өкілі Бауыржан Закиұлының хабарлауынша, «Ж» ЖШС-гі Жаңақала ауылы маңында арнайы рұқсатсыз жерді қазу арқылы саз топырақты алып, Экологиялық Кодекстің 12-бабының талабын бұзған.
Экология департаменті маманының қорытындысына сәйкес көлемі 210 текше метр болатын топырақ алынып, 950 мың теңге залал келтірілгені дәлелденді. Прокурорлық қадағалау актісі негізінде уәкілетті орган «Ж» ЖШС-не Әкімшілік құқық бұзушылық туралы кодекстің 139-бабымен (жер қойнауына мемлекеттiк меншiк құқығын бұзу) 631 мың теңге көлемінде айыппұл салған. Қазіргі уақытта қоршаған ортаға келтірілген залалдың құны мемлекет пайдасына толық өндірілді.
Сонымен қатар, тұрмыстық қалдықтарға арналған полигонның экологиялық заңнаманың талаптарына сәйкес келмейтіні анықталып, «Жаңақала ауылдық округі әкімінің аппараты» ММ-сі мен Жаңақала ауылдық округінің әкімі А.Г. Ахметов Әкімшілік құқық бұзушылық туралы кодекстің 337-бабымен (жерді бүлдіру) және 344-бабымен (өндіріс және тұтыну қалдықтарымен жұмыс істеуге, сарқынды суды ағызуға қойылатын талаптарды бұзу) жауапкершілікке тартылды.
Құқық бұзушылар 63 мың және 25 мың теңге көлемінде айыппұл төледі.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу