КіруОҚУШЫ ҚЫЗДЫ ҰРЛАМАҚ БОЛДЫ…
Оралда мектеп оқушысын ұрлап кетпек болған ер адам қолға түсті. Жәбірленуші қаладағы №44 мектеп-гимназиясының 5-ші сыныбында оқиды. Оқиға 16-шы қазан күні болған.
Мектептен шыққан қыз бала Қонаев атындағы шағынауданда №27 үйге қарай кетіп бара жатқан. Сол мезгілде қара киім киген бейтаныс ер адам артынан келіп, мойнынан ұстап, артқа қарай сүйреген. Қорыққан қыз бала қатты шыңғырып жіберген. Оны сол маңда көріп қалған әйел адам құтқарып қалған. БҚО полиция департаменті бастығының бірінші орынбасары Серік Сүйінбаевтың мәлім еткеніндей, аталған оқиға туралы қыздың ата-анасы бірден полицияға жүгінбеген. Ақпарат әлеуметтік желіде тарап кеткеннен кейін жедел тергеу тобы мен учаскелік инспектор қыздың мекенжайына барып, содан соң тергеу амалдары жүргізілген.
– Жедел іздестіру шаралары барысында 1973 жылғы ер адам қолға түсті. Қыз оны таныды. Кеше ҚР ҚК 293- бабы 1-бөлігіне сәйкес (бұзақылық) сотқа дейінгі тергеу амалдары басталды. Бүгін қылмыс 125-бап 2- бөлігіне (адам ұрлау) қайта дәрежеленді. Қылмыстың анық-қанығы туралы кейін айтылатын болады, – деді С.Сүйінбаев.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу